नेकपा एमाले अध्यक्ष केपी शर्मा ओलीले संविधान कार्यान्वयनका लागि आफ्नो पार्टीले दिएको दबाबका कारण सरकारले चुनाव घोषणा गरेको दाबी गरेका छन् ।

तोकिएको मितिमै निर्वाचन गराउन निर्वाचनलाई शान्तिपूर्ण सम्पन्न गराउने दबाब कायम राख्नुपर्ने उनले बताए ।

स्थानीय तहको चुनाव तयारी सम्बन्धमा एमाले कार्यकर्तालाई शुक्रवार दिएको भर्चुअल प्रशिक्षणमा ओलीले आफूहरूको दबाबका कारण सरकार चुनाव घोषणा गर्न बाध्य भएको बताएका हुन् । 

‘संविधान कार्यान्वयन गर्नुपर्छ, संविधान बाहिर जान पाइँदैन भनेर परमादेशी सरकारलाई जुन दबाब दियौँ, चुनाव घोषणा गराउन सफल बनाएका छौँ,’ ओलीले भने । 

गठबन्धनको नाममा अहिले पनि चुनाव नगराउने प्रयास भइरहेको ओलीले आरोप लगाए ।