दीपिका पादुकोण भारतीय फिल्म उद्योगमा लामो  समयदेखि आफ्नो प्रभुत्व जमाउन सफल हिरोइन हुन् । उनले भारतीय मात्र नभएर बलिउड फिल्ममा समेत अभिनय गरेकी छिन् ।

उनी जति चर्चित छिन् उनकी कान्छी बहिनी त्यो भन्दा चर्चित छिन् । उनकी कान्छी बहिनी अनिशा पादुकोण दीपिका भन्दा बढी पैसा कमाउँछिन् ।

दीपिकाकी बहिनी अनिशा उनीभन्दा ५ वर्ष कान्छी छिन् । सन् १९९१ मा जन्मिएकी अनिशा एक गल्फर हुन्, जसले भारतलाई अन्तर्राष्ट्रिय स्तरमा प्रतिनिधित्व गर्छिन् ।

उनी गल्फमा नै आफ्नो करियर बनाइरहेकी छिन् । गल्फका साथै उनी क्रिकेट, हकी, टेनिस र ब्याट्मिन्टन पनि खेल्छिन् ।

अनिशाले १२ वर्षको उमेरदेखि नै गल्फ खेल्न सुरु गरेकी थिइन् । उनका बुवा प्रकाश पादुकोण आफैं पनि ब्याडमिन्टनका लेजेन्ड हुन् । आफ्नो बुवाबाटै प्रभावित भएर अनिशाले गल्फ खेल्न सुरु गरेको बताउँछिन् । एक अन्तर्वार्तामा अनिशाले उनका मनपर्ने खेलाडी सायना नेहवाल भएको बताएकी थिइन् ।

उनले दीपिकालाई आफ्नो आमाले जस्तै केयर गर्ने बताएकी छिन् । उनले भनेकी थिइन्, ‘दीपिकाले मलाई आमाले जस्तै माया गर्छिन् । उनी निकै केयररिङ र प्रोटेक्टिभ छिन् । कामका कारण हाम्रो धेरै भेट हुँदैन तर जतिबेला हामी भेट्छौं तब निकै राम्रो समय बिताउँछौं ।’

दीपिकाको फिल्मबारे कुरा गर्दै अनिशाले भनेकी थिइन, ‘म उनको सबै फिल्म हेर्छु । मलाई उनको ए जवानी हे दिवानी र लभ आजकल निकै राम्रो लाग्छ । यसका साथै उनले लफंगे परिन्देमा पनि राम्रो काम गरेकी छिन् ।’

अनिशालाई दीपिकाको ‘चेन्नई एक्सप्रेस’ फिटिक्कै मन नपरेको उनी बताउँछिन् । बलिउडका थुप्रै कार्यक्रममा अनिशा दीपिकासँगै देखिन्छिन् ।