कुनै समय बलिउडकी चर्चित अभिनेत्री थिइन् ईशा कोप्पिकर  । अहिले लामो समयदेखि पर्दाबाट गायब छिन् ।

अभिनेत्रीले अहिले आफू पनि उद्योगमा कास्टिङ काउचको शिकार भएको खुलासा गरेकी छन्, जसकारण उनले धेरै प्रोजेक्ट छाड्नुपरेको थियो । 

ईशा पहिलो नभए पनि बलिउडदेखि सानो पर्दासम्मका कलाकारहरूले कास्टिङ काउचको बारेमा आफ्नो अनुभव सुनाइरहेका छन् ।

ईशाले बलिउडमा डन, कृष्णा कटेज र क्या कूल है हम जस्ता केही सफल फिल्म गरिन् । हालैको एक अन्तर्वार्तामा ईशाले एक निर्देशकले उनलाई नायकको नजरमा राम्रो बन्न सल्लाह दिएका थिए र कर्मचारीबिना नै नायकसँग एक्लै बाहिर निस्कन भनेका थिए । 

ईशाले एक अन्तर्वार्तामा त्यसो गर्न अस्वीकार गरेपछि उनलाई फिल्मबाट बाहिर निकालिएको खुलासा गरिन् । 

इशा कोप्पिकरले सन् २००० मा भएको एउटा घटनालाई स्मरण गर्दै भनिन्, 'सन् २००० मा मलाई एक चर्चित निर्माताले बोलाएर नायकको नजरमा राम्रो हुनुपर्छ भने । मलाई थाहा थिएन उसले के भन्न खोजेको हो । त्यसैले, मैले हिरोलाई फोन गरे, जसले मलाई एक्लै भेट्न आग्रह गरे । ती दिनहरूमा, उनी बेवफाईको आरोपको सामना गरिरहेका थिए । त्यसैले उसले मलाई आफ्नो स्टाफ छोडेर भेट्न भन्यो । मैले निर्मातालाई फोन गरेर भनें कि म मेरो प्रतिभा र लुक्सको कारण यहाँ आएको छु र यदि मलाई यो भन्दा राम्रो काम पाइयो भने मलाई राम्रो हुनेछ । फलस्वरूप मलाई फिल्मबाट निकालियो ।'