कतारसँग आफ्नो राजनीतिक सम्बन्ध सकिएको घोषणा गरेको करिब एक महिनापछि छलफलका लागि बहराइन, इजिप्ट, साउदी अरब र संयुक्त अरब इमिरेट्सका अधिकारीबीच भेटवार्ता हुँदैछ ।
कतारलाई दिइएको १३ बुदे माग पुरा हुनलागेको दिन कायरोमा हुन लागेको यो बैठकमा यी देशका विदेश मन्त्री भाग लिँदैछन् ।
यी देशहरुले राखेको शर्त नमानेको खण्डमा कतारमाथि अरुपनि प्रतिवन्ध लाग्नसक्ने बीबीसीले जनाएको छ ।
साउदी लगायतका देशले समाचार संस्था अलजजिरा बन्द र इरानसँगको सम्बन्ध अन्त्यलगायत रहेका छन् । जसलाई कतारले अव्यवहारिक भनेको छ ।
कतारमाथि आतंकवादको समर्थन गरेको र यस क्षेत्रमा अस्थिरता बढाएको आरोप लगाइएको छ जसलाई उसले अस्विकार गर्दै आएको छ ।
साउदी अरब, बहराइन, इजिप्ट, युएइले कतारमाथि अभूतपूर्व आर्थिक र राजनीीतक प्रतिवन्ध लगाएका छन् ।
कच्चा तेलको धनी कतारमाथि उनीहरुको प्रतिवन्धको गम्भीर असर परेको छ । किनकी आफ्नो २७ लाखको जनसंख्यालाई आम जरुरत पूरा गर्नका लागि कतार पूर्णरुपमा आयातमा निर्भर छ ।
सोमबार खाडी देशहरुले आफ्ना मागहरु मान्नका लागि कतारलाई दुई दिनको समय दिएको थियो । यस अघि कतारलाई १० दिने समय दिएर माग मान्न दवाव दिइएको थियो ।
