पछिल्लो २४ घन्टामा थप ७ जनामा कोरोना संक्रमण पुष्टि भएको छ ।

४ हजार ६६८ जनामा पीसीआर तथा एन्टीजेन परीक्षण गर्दा ७ जनामा संक्रमण पुष्टि भएको बिहीवार स्वास्थ्य तथा जनसंख्या मन्त्रालयले जनाएको छ ।

यससँगै मुलुकभर हालसम्म पीसीआर परीक्षणबाट ९ लाख ७८ हजार ५४५ जजनामा र एन्टीजेन परीक्षणबाट १ लाख ४० हजार १ सय ४७ जनामा संक्रमण पुष्टि भएको छ ।

बिहीवार २५ जना संक्रमित उपचारपछि निको भएका छन् । 

यससँगै हालसम्म मुलुकभर ९ लाख ६५ हजार ८४७ जना संक्रमित निको भएका छन् ।

बिहीवार मुलुकभर संक्रमणबाट ज्यान गुमाउनेको संख्या शून्य छ । हालसम्म भने मुलुकभर ११ हजार ९५१ जना संक्रमितले ज्यान गुमाएका छन् ।

हाल मुलुकमा ७४७ जना सक्रिय संक्रमित रहेको मन्त्रालयले जनाएको छ ।