नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले साझा चुनाव चिह्नबारे छलफल भइरहेको बताएका छन् । 

सोमवार पार्टी कार्यालय पेरिसडाँडामा आयोजित पत्रकार सम्मेलनमा प्रचण्डले गठबन्धनमा साझा चुनाव चिह्नबारे छलफल गरेको तर अब निर्वाचनको कार्यक्रम अघि बढिसकेको हुँदा सम्भव नभएको उनले बताए । 

उनले भने, ‘वडाध्यक्ष जसले पाउँछ, उसकै चुनाव चिह्न लिएर जाने छलफल भइरहेको छ तर तत्काल सम्भावना छैन ।’

आज पनि गठबन्धनको बैठकमा साझा चुनाव चिह्नबारे छलफल हुने उनले बताए ।

गठबन्धन दलले स्थानीय तहको चुनावमा तालमेल गर्दा धेरै वटा चुनाव चिह्नमा मत हाल्दा बदर हुने सम्भावना भएपछि साझा चुनाव चिह्नबारे छलफल गरेका छन् ।