×

Dabur
Nic Asia
Marvel

स्थानीय चुनाव

भागबण्डा मिलानमा चुनौती बन्दै नेकपा एस, सहयात्री दल भन्छन्– 'हैसियतभन्दा बढी दाबी'

काठमाडाैं | बैशाख ६, २०७९

TVS INSIDE

सत्तारूढ गठबन्धनका शीर्ष नेताहरू पोखरा महानगरपालिकाको मेयर एकीकृत समाजवादीलाई दिन सहमत भएपछि पोखरामा कांग्रेसभित्र विद्रोह भयो ।

morang Auto yamaha

कांग्रेस कास्की समितिका सचिवद्वयले सभापतिलाई जानकारी नै नदिई विज्ञप्ति प्रकाशन गरेर गठबन्धनमा रहेको एकीकृत समाजवादी पार्टीसँग चुनावी तालमेल नगर्ने निर्णय गरेको घोषणा गरेका थिए । 


Advertisment
NMB BANK
RMC TANSEN
Saurya island

विज्ञप्ति प्रकाशन भएर सञ्चारमाध्यम भाइरल भइरहँदा कांग्रेसका कास्की जिल्ला सभापति भने होटल दीपसागरमा गठबन्धन दलभित्र तालमेलको बारेमा छलफल गरिरहेका थिए ।

बलियो जनमत नै नभएको पार्टीलाई मेयर दिँदा चुनाव जित्ने अवस्था नहुने कांग्रेसका नेताहरूले बताउने गरेका छन् । पोखरामा कांग्रेसले मेयरमा दाबी गर्दै आएको थियो ।  

Vianet communication
Maruti inside

कांग्रेस जिल्ला कार्यसमितिका सचिवद्वय देवेन्द्र रानाभाट र भानुभक्त ढकालले हस्ताक्षर गरेर सोमवार विज्ञप्ति प्रकाशन गरी माधव नेपाल नेतृत्वको एकीकृत समाजवादीसँग गठबन्धन तोडिएको घोषणा गरेका हुन् । 

उनीहरूले जारी गरेको विज्ञप्तिमा भनिएको छ, ‘वैशाख ३० गते हुने स्थानीय निर्वाचनका सन्दर्भमा सत्ता गठबन्धनका दलहरूसँग पटक–पटक लामो छलफल र बहसका साथै तालमेल गरेर जाने सन्दर्भमा भरपूर प्रयत्न गरियो । जिल्ला संयन्त्रबाट तालमेल गर्ने सम्बन्धमा कास्कीमा व्यापक छलफल हुँदा पनि एकीकृत समाजवादीको अस्वाभाविक दाबीका कारण निष्कर्ष निस्कन सकेन ।’

पोखरा महानगरमा एकीकृत समाजवादीले मेयरको दाबी नछाडेपछि कास्कीमा कांग्रेसभित्रै समस्या सिर्जना भएको छ । कास्की कांग्रेसको जिल्ला नेतृत्व केन्द्रीय निर्देशनको चेपुवामा छ भने कार्यसमितका नेताहरू केन्द्रीय निर्देशनको विपक्षमा छन् ।

कास्कीमा मात्रै होइन, पाँच राजनीतिक दलको केन्द्रीय गठबन्धनमा र देशव्यापीरूपमा गठबन्धनभित्र एकीकृत समाजवादीले अस्वाभाविक दाबी गरेको चर्चा भइरहेको छ । 

एकीकृत समाजवादीले २०७४ को निर्वाचनमा देशभर एमालेले जितेको स्थानीय तहमध्ये ५० प्रतिशत स्थानमा नेतृत्वको दाबी गरेको छ । अघिल्लो चुनावमा एमालेले २९४ स्थानीय तहमा जीत निकालेको थियो ।

एमालेबाट आधा शक्ति लिएर पार्टी विभाजन गरेको एकीकृत समाजवादीको दाबी छ । तर, एमालेको टिकटमा चुनाव जितेका जनप्रतिनिधिमध्ये १ हजार ५०१ जना जनप्रतिनिधिले मात्रै त्यसबेला एकीकृत समाजवादीको पक्षमा शनाखत गरेका थिए । 

नेकपा माओवादी केन्द्रका अध्यक्ष प्रचण्डले त सार्वजनिकरूपमा एकीकृत समाजवादीले आफ्नो संगठनको हैसियतभन्दा धेरै ठाउँमा सीट दाबी गरेको बताएका थिए ।

गठबन्धनभित्र एकीकृत समाजवादीले गरिरहेको दाबीसँग असन्तुष्ट रहेका प्रचण्डले गत वैशाख २ मा माधव नेपालले आफूलाई एमालेकै अध्यक्ष सम्झिएर दाबी गरेको टिप्पणी गरेका थिए । 

प्रचण्डले भनेका थिए, ‘माधवजीले अलिक बढी मागिहाल्नुहुन्छ । उहाँ नयाँ पार्टी एकीकृत समाजवादीको अध्यक्षभन्दा पनि एमाले नै सम्झिएर धेरै भाग माग्नुहुन्छ ।’

एकीकृत समाजवादीको दाबीका कारण गठबन्धनमा तालमेलको निर्णय गर्न कठिन भएको अरू दलका नेताहरू बताउँछन् ।

एकीकृत समाजवादीले पोखरा महानगरपालिका जसरी पनि पाउनुपर्ने दाबी गरेका छन् । उक्त पार्टीका नेताहरूले कास्कीमा एकीकृत समाजवादीका मात्रै ८ हजारभन्दा बढी नेता कार्यकर्ता रहेको दाबी गरेका छन् । जनवर्गीय संगठनका सदस्यहरू जोड्दा करीब १२ हजार संख्यामा कार्यकर्ता रहेको एकीकृत समाजवादीको दाबी छ ।

तर, कांग्रेसका नेताहरू भने कास्कीमा कार्यकर्ता नै नभएको पार्टीलाई पोखराको मेयरको उम्मेदवार बनाउन नसकिने बताउँछन् । कार्यकर्ता नै नभएको पार्टीको नेतालाई उम्मेदवार बनाउँदा हार्ने निश्चित भएकाले कांग्रेसले प्रमुख लिएर एकीकृत समाजवादीलाई उपप्रमुख दिनुपर्ने कास्की कांग्रेसको अडान छ । 

गठबन्धनमा रहेका दलहरूले नै एकीकृत समाजवादीको दाबी अस्वभाविक भन्न थालेपछि अध्यक्ष माधव नेपालले गठबन्धनका नेताहरूलाई जवाफ फर्काएका थिए ।

प्रचण्डले माधव नेपालको दाबी अस्वाभाविक भन्ने टिप्पणी गरेको भोलिपल्ट वैशाख ३ मा माधव नेपालले आफ्नो पार्टीलाई कम नआँक्न चुनौती दिएका थिए । 

नेपालले भनेका थिए, ‘हामीले भन्ने गरेका छौँ, आफ्नो शक्तिको अति मूल्यांकन गर्ने काम नगर्नुस् । र, हाम्रो शक्तिको अवमूल्यन गर्ने काम पनि नगर्नुस् । हाम्रो शक्ति निर्णायक शक्तिको रूपमा रहने गरेको छ ।’ 

नेपालले भनेका थिए, ‘केपी ओली समूहलाई सत्ताको उचाइबाट भुइँमा पछार्न निर्णायक भूमिका खेलेका हौं, चेतना भया ।’

त्यतिमात्रै होइन, एकीकृत समाजवादीले विद्रोहको शक्ति बुझ्न पनि गठबन्धनका नेताहरुलाई सम्झाउने गरेको छ । एकीकृत समाजवादीका नेताहरू भन्छन्, ‘विद्रोही पार्टीको शक्तिलाई कम आँक्नु हुँदैन । सशस्त्र द्वन्द्वबाट आएको माओवादीलाई ८२ सिट दिएर संसद्मा लगिएको हो । त्यो बेला विद्रोहीको शक्तिलाई मान्यता दिइएको हो । गठबन्धनमा पनि हामीले त्यही चाहिरहेका छौं ।’

अहिले गठबन्धनमा चर्को बार्गेनिङ गरेर धेरै सिटमा उम्मेदवारी दिन पाए कार्यकर्तालाई इन्गेज गर्न सकिने र पार्टीको आकार पनि बढाउन सकिने बुझाइ एकीकृत समाजवादीका नेताहरूमा पाइन्छ । चुनावमा टिकट नपाउने अवस्था आएमा नेता कार्यकर्ताहरू एमालेमा फर्कन सक्ने डरमा नेकपा एसका नेताहरू छन् ।

पोखरा महानगरपालिकामा मेयरको टिकट दाबी गरिरहेका जिल्ला अध्यक्ष धनराज आचार्यलाई एमालेमा फर्किए मेयरको टिकट दिने प्रस्ताव आएको चर्चा कास्कीको राजनीतिक वृत्तमा छ । तर, आचार्यले एमालेबाट प्रस्ताव आएको भन्ने कुरालाई अस्वीकार गरेका छन् ।

एकीकृत समाजवादीका केन्द्रीय नेताहरूलाई भने उनले मेयरको उम्मेदवार बन्न नपाए एमाले फर्किने चेतावनी दिएकै कारण एकीकृत समाजवादीले गठबन्धनमा पोखरा महानगरपालिकाका लागि मरिहत्ते गरेको नेताहरूले बताएका छन् ।

एकीकृत समाजवादीले पोखरा महानगरपालिकासहित इटहरी, हेटौंडा र बुटवल वा तुलसीपुरमध्ये एक उपमहानगरपालिकामा मेयरको उम्मेदवारी दाबी गरेको छ । 

त्यसबाहेक, घोराही, जनकपुर र नेपालगञ्ज उपमहानगरपालिकामा उपमेयर पाउनुपर्ने दाबी एकीकृत समाजवादीको छ ।

एकीकृत समाजवादीका महासचिव डा. बेदुराम भुसाल पार्टी देशभरको सबै वडामा विस्तार भइसकेकाले चुनावमा पनि उपस्थिति जनाउन चाहेको बताउँछन् । 

‘हामीले ७७ जिल्लाको ६ हजार ७४३ वडामा संगठन पुर्‍याएका छौं। निर्वाचन पालिका तहमा मात्रै होइन, वडामा पनि हुन्छ । देशभर हाम्रो उपस्थित छ र चुनावमा पनि उपस्थिति जनाउन चाहन्छौं’, भुसालले भने ।  

Mega
TATA Below
NLIC
असार ७, २०७९

रुस–युक्रेन द्वन्द्व चार महिना पूरा हुन लाग्दा पनि कुनै टुंगोमा पुग्न सकेको छैन ।  यस युद्धले विशेषगरी युरोपलाई अप्ठ्यारो स्थितिमा ल्याएकाले युरोपका प्रभावशाली मुलुकहरू शान्तिबहालीका लागि प्रयास गर...

असार १०, २०७९

लामो समयदेखि आर्थिक संकटको सामना गरिरहेको श्रीलंकाको अर्थतन्त्र धराशायी भइसकेको त्यहाँका प्रधानमन्त्री रनिल विक्रमसिंघेले स्वीकार गरेका छन् ।  बुधवार (२२ जुनमा) त्यहाँको संसदमा बोल्दै विक्रमसिंघेले खाद्यान्...

असार १३, २०७९

जर्मनीको श्लोस एल्माउमा आइतवारदेखि शुरू भएको विश्वका शक्तिशाली मुलुक जी७को बैठकले रुसविरुद्ध एकजुट हुने तथा चीनको प्रभाव घटाउन पूर्वाधार विकास योजना अघि बढाउने संकल्प लिएका छन् ।  जी७ क्यानडा, फ्रान्स, ...

असार ९, २०७९

भारत सरकारले नौ दिनअघि (१४ जुनमा) घोषणा गरेको अग्निपथ योजना विवादमा परेको छ । यस योजनाको विरोधमा हिंस्रक प्रदर्शनहरू भइरहेको भए पनि सरकारले यसलाई कुनै हालतमा फिर्ता नलिने भनिरहेको छ ।  विरोधलाई ...

असार १२, २०७९

कानुन मन्त्रीबाट राजीनामा गर्ने क्रममा २०७५ साउन ८ गते शेरबहादुर तामाङ रुँदै रुँदै सिंहदरबारबाट बाहिरिएको दृश्य अझैपनि धेरैले बिर्सन सकेका छैनन् । बंगलादेशमा अध्ययनरत छात्राको सम्बन्धमा दिएको एउटा अभिव्यक्तिका ...

असार ५, २०७९

रुसविरुद्ध युद्ध गर्नका लागि युक्रेनलाई उचालेको पश्चिम अब रुससँग सम्झौता गरेर शान्तिबहाली गर्न युक्रेनलाई फकाउन थालेको छ ।  अमेरिकाको बाइडन प्रशासन, पश्चिमी सञ्चारमाध्यम र नेटो तीनैथरीले रुसी विजयको वास्...

राज्य र राजनीति केका लागि ?

राज्य र राजनीति केका लागि ?

असार १२, २०७९

विश्वविख्यात कूटनीतिज्ञ तथा राजनीतिज्ञ विष्णु गुप्त "चाणक्य"ले राजनीतिलाई परिभाषित गर्दै भनेका छन्- "आफ्नो टार्गेट अर्थात् निशानालाई निर्धारण गरी तदनुसार तयारी गर्नु र लक्ष्य हासिल गर्नु राजनीति हो।&q...

सामाजिक सञ्जालको सदाचारी प्रयोगबारे प्रशिक्षण किन ?

सामाजिक सञ्जालको सदाचारी प्रयोगबारे प्रशिक्षण किन ?

असार ११, २०७९

भर्खरै मात्र राष्ट्रिय सुरक्षा नीति २०७५ ले समेत नेपाली मूल्य–मान्यता, संस्कृति, परम्परा, धर्म, भाषा, जाति, क्षेत्र र सम्प्रदाय बीचको सद्भाव भड्काउने संकीर्ण गतिविधि तथा विभिन्न प्रकृतिका अतिक्रमण र सामाजिक सञ्जा...

बजेटले कसलाई किन पिरोल्यो ?

बजेटले कसलाई किन पिरोल्यो ?

असार ८, २०७९

बजेट आमनेपालीको भान्छादेखि दराजको वजनसम्ममा जोडिन्छ । बजेटले आमनागरिकमाथि खेलबाड गर्‍यो भने त्यो क्षम्य हुँदैन ।  बजेटले हामीसामु सौभाग्य ल्यायो या दुर्भाग्य, अथवा यो बजेटले कसलाई किन पिरोलिरहेको ...

ad
x