नयाँ वर्षको अवसर पारेर बैशाख १ गतेदेखि प्रदर्शनमा आएको चलचित्र ‘ए मेरो हजुर ४’ले पहिलो साता ४ करोड रुपैयाँ बढीको व्यापार गरेको छ ।

बिहीवारदेखि दोस्रो सातामा प्रवेश गरेको चलचित्रले पहिलो साता ४ करोड १ लाखको व्यापार गरेको वितरक गोविन्द शाहीले जानकारी दिए । 

भारतीय चलचित्रको दवदवाका बीच प्रदर्शनमा आएपनि चलचित्रले सुखद् व्यापार गरेको हो । चलचित्रले प्रदर्शनको पहिलो दिन बिहीवार ८८ लाखको व्यापार गरेको थियो भने दोस्रो दिन ६६ लाखको व्यापार गरेको थियो ।

तेस्रो दिन शनिवार ८९ लाख, आईतवार ४५ लाख, सोमवार ४१ लाखको व्यापार गरेको थियो ।

त्यस्तै मंगलवार र बुधवार ३६–३६ लाखको व्यापार गर्दै ४ करोड कलेक्सन नघाएको हो । सुनिल कुमार थापाको निर्माण एवं झरना थापाको निर्देशन रहेको चलचित्रमा अनमोल केसी, सुहाना थापा र सलोन बस्नेतको मुख्य भूमिका रहेको छ ।