२६ जेठ २०८३, मंगलबार
सत्तारुढ गठबन्धनले मनोनयन दर्ता गर्ने अन्तिम दिन सोमवार मात्र रुपन्देहीका पालिकाहरुमा उम्मेदवारको टुंगो लगाएका छन् ।
रुपन्देहीका प्रमुख पालिकाहरु कांग्रेसले लिएको छ । उपप्रमुख र उपाध्यक्ष गठबन्धन अन्य दलहरुलाई अझै टुंगो लगाएका छैनन् ।
बुटवल उपमहानगरपालिकामा खेलराज पाण्डेको नाम टुंगाएको हो । बुटवलको उपप्रमुख नेकपा एकीकृत समाजवादीबाट चिनबहादुर गुरुङ पाउने भएका छन् । त्यस्तै तिलोत्तमामा कांग्रेस जिल्ला सभापति रामकृष्ण खाँण उम्मेदवार बनेका छन ।
उनी यस अगाडि २०७४ मा नेकपा एमालेका बाशुदेव घिमिरेसँग पराजित भएको थिए । त्यस्तै देवदह नगरपालिकामा हिरा बहादुर खत्रीलाई अगाडि सारेको छ । उनी अहिलेका मेयर हुन् ।
त्यस्तै सैनामैना नगरपालिकामा फणीन्द्र शर्मालाई अगाडि सारेको छ । उनी यस अगाडि पनि उम्मेदवार थिए ।
त्यस्तै सिद्धार्थनगरमा इस्त्याक खान उम्मेदवार बनेका छन् ।
लुम्बिनी सांस्कृतिक नगरपालिकामा सहबुद्धिन मुसलमान उम्मेदवार बन्ने भएका छन् ।
त्यस्तै सुद्धोधन गाउँपालिकामा विष्णु बस्याल, सियारीमा थानेश्वर घिमिरे, कञ्चन नवराज ढकाल मायादेवी धु्रवनारायण चौधरी, रोहणी बैजनाथ साहनी समरीमाईमा विवेक कुमार श्रीवास्तव उम्मेवारको टुंगो लगाएको जिल्ला सभापति रामकृष्ण खाँणले बताए ।
रुपन्देहीका १६ स्थानीय तह रहेका छन् ।
