बलिउडका चर्चित अभिनेता टाइगर श्रोफ यतिखेर हिरोपन्ती २ को प्रोमोशनमा व्यस्त छन् । 

बहुप्रतीक्षित चलचित्र हिरोपन्ती २ २०१४ मा रिलिज भएको रोमान्टिक एक्सन फिल्मको सिक्वेल हो । 

चलचित्रमा नवाजुद्दीन सिद्दीको भूमिका मुख्य छ । 

चलचित्रको प्रोमोशनको समयमा टाइगरले आफ्नो इच्छा हलिउडमा कदम राख्ने भएको बताएका छन् । 

उनले एक हिन्दी पत्रिकामा अन्तर्वार्ताका क्रममा जीवनको मुख्य उद्देश्य हलिउडमा अभिनय गर्ने रहेको बताउका हुन् । 

‘वेस्टमा योग हिरोको स्थान खाली छ, मेरो उमेरको हलिउडमा कोही एक्सन हिरो छैन । जुन काम मैले गर्छु, त्यो अरुले गरेका छैनन्,’ उनले भनेका छन् ।

उनले आफूलाई केही अफर पनि आएको बताएका छन् । केही चलचित्रमा अडिशन दिएपनि फेल भएको उनले सम्झेका छन् ।