नेकपा (एकीकृत समाजवादी)का अध्यक्ष माधवकुमार नेपालले आफ्नो पार्टीबाट उम्मेदवार बनेका ३५ जना निर्विरोध भइसकेको दाबी गरेका छन् । 

शुक्रवार पार्टी केन्द्रीय कार्यालयमा आयोजित नेकपा (एकीकृत समाजवादी) र बहिर्गमित जनमुक्ति सेना नेपालको एकता घोषणा कार्यक्रमलाई सम्बोधन गर्दै उनले वैशाख ३० गते हुने स्थानीय तह निर्वाचनका लागि आफ्नो पार्टीबाट ३५ जनाको एकल उम्मेदवारी परेको बताएका हुन् । 

उनले २ जना गाउँपालिका अध्यक्ष, १ जना गाउँपालिका उपाध्यक्ष, ६ जना वडाध्यक्ष र २६ जना सदस्यहरू निर्विरोध भएको बताए ।

यस्तै उनले गठबन्धनमा आबद्ध दलहरू सामूहिक रुपमा अगाडि बढ्नुपर्ने बताए । उनले गठबन्धनभित्रका दलले अहंकार राख्नु नहुने र वस्तुनिष्ठ भएर चल्नुपर्ने बताए ।