×

NMB BANK
NIC ASIA

चुनावी यात्रा संस्मरण– डडेल्धुरा

प्रधानमन्त्री शेरबहादुर देउवाको त्यो भत्किएको घरमा पुग्दा...

बैशाख १६, २०७९

NTC
Sarbottam
Premier Steels
Marvel

कैलालीको धनगढीबाट झण्डै १२५ किलोमिटरको यात्रा तय गरेपछि डडेल्धुराको असिग्राम भात्काँडामा आइपुगिन्छ । 

Sagarmatha Cement
Muktinath Bank

भात्काडाँबाट उत्तरतर्फ लाग्ने सानो कच्ची बाटो हुँदै करीब १४ किलोमिटर यात्रा पार गरेपछि प्रधानमन्त्री शेरबहादुर देउवाको पुख्र्यौली गाउँ रुवाखोला पुगिन्छ । 


Advertisment
RMC TANSEN
IME BANK INNEWS
shivam ISLAND

भात्काँडामा एकैछिन रोकिएर स्थानीयसँगको गफबाटै ५ पटक प्रधानमन्त्री भइसकेका व्यक्ति (शेरबहादुर देउवा)को घर जाने बाटो कच्ची भनेपछि त्यता जाने उत्साह बढ्यो । 


Advertisment
Nabil box
Kumari

Vianet communication
Laxmi Bank

देउवाको घर पुग्न गन्यापधुरा गाउँपालिका हुँदै रुवाखोला जानुपर्ने रहेछ ।

गन्यापधुरा गाउँपालिका– १ सोध्दै जाँदा वडा अध्यक्षमा दोहोरिनका लागि उम्मेदवारी दिएका स्थानीय चेतराम भट्ट बाटैमा भेटिए । 

उनले भनेजस्तै कच्ची बाटोको यात्रा तय गरेर गन्यापधुरा गाउँपालिका पुगियो ।

वडा अध्यक्षका उम्मेदवार भट्टले देखाएको कच्ची बाटोबाट देउवाको घर पुग्न सकिने रहेछ । त्यही घरमा प्रधानमन्त्री शेरबहादुर देउवा जन्मिए, हुर्के बढे, अनि विद्यालय तहसम्मको अध्ययन समेत पूरा गरे । 

देउवाको घर जाने गाउँको बाटो छिर्नुअगाडि पक्की सडक अर्थात् डडेल्धुरा सदरमुकाम अमरगढी हुँदै बैतडी जाने मुख्य हाइवे छ । 

हाइवेको कतिपय ठाउँमा सडक बिग्रिएको देख्न सकिन्छ । कच्ची सडक जाने छेवैमा केही खाजा पसलहरू छन् । 

त्यहाँ पुग्दा पाँचपटक प्रधानमन्त्री भइसकेका देउवाले आफ्नो घर जाने सडक नै कालोपत्रे नगरेको भन्दै गुनासोका स्वरहरू सुनिए ।

भात्काडाँका एक खाजा पसलेले भने, ‘के प्रधानमन्त्रीको गाउँ भन्नु, बाटो पिच छैन, अहिलेसम्म स्थानीयले प्रधानमन्त्रीको गाउँमा यस्तो छ भनेर गर्व गर्नलायक काम पनि केही भएको छैन ।’

भात्काडाँबाट असिग्रामतर्फको कच्ची सडक हुँदै ओरालो लागेपछि सल्लाका रूखहरू देखिन्थे । 

वैशाखको चर्को घाम त्यसमाथि आगोको झिल्को परेको सल्लाघारी । बाटोसम्म नै वनको डढेलो आइपुगेको थियो ।

एकातिर गर्मीयामको समय, अर्कातिर छेउछाउमा रहेका रुखहरू बलेको देख्दा मन खिन्न नहुने कुरै थिएन । 

हामीले बाटोमा भेटिएका गन्यापधुरा १ का वडाध्यक्ष चेतराम भट्टलाई डढेलो लाग्नुको कारण सोध्यौं । उनको जवाफले झन् अचम्ममा परियो । 

उनले भने, ‘सरकारले सल्लाको रूखबाट खोटो निकाल्न अनुमति दिएका कारण त्यसलाई सहज बनाउन ठेकेदारले आगो लगाएका हुन् ।’ 

वनमा आगो लगाउने काम खोटो निकाल्ने ठेक्का पाएका ठेकेदारहरूको भएको उनले सुनाए ।

बाटोमा सल्ला झर्दा चिप्लने समस्या हुन्छ भन्दै त्यसमा आगो लगाउँदा खोटो निकाल्न जानेलाई सहज हुने तर्क वडाध्यक्षले नै गरे ।

बाटोमा गफिँदै करीब ७ किलोमटरको यात्रा तय गरेपछि गन्यापधुराको १ नम्बर वडा कार्यालय पुगियो । जुन प्रधानमन्त्री शेरबहादुर देउवा भोट हाल्न आउने ठाउँ पनि हो ।

वडाध्यक्ष भट्टका अनुसार अघिल्लो चुनाव २०७४ मा हेलिकप्टर लिएर भोट हाल्न आएका प्रधानमन्त्री देउवा त्यसपछि फर्किएर आएका छैनन् ।

‘अघिल्लो चुनावमा आया हुन्, अब यो चुनावमा आउँड्या छन्,’ उनले लोकान्तरसँग भने । 

उनको आशय प्रधानमन्त्री देउवा चुनावको समयमा भोट हाल्न र भोट माग्न मात्रै आउने गर्छन् भन्ने थियो । 

स्थानीयका अनुसार यहाँको विकास निर्माणमा देउवालाई कुनै चासो छैन । हेलिकप्टरमा परिवारसहित आउँछन्, भोट हालेर गइहाल्छन् ।

मतदाता सूचीमा देउवा, उनकी पत्नी आरजू राणा र छोरा जयसिंहको नाम छ । मतदानस्थल आइपुगेका देउवा त्योभन्दा ठीक पारि २० मिनेटको दूरीमा रहेको घरतर्फ भने जाँदैनन् । 

देउवा जन्मिएको घर रुवाखोला हो । उनको घर हुँदै डोटी जाने कच्ची सडक २८ वर्ष बितिसक्दा ग्राबेलसम्म पनि हुन सकेको छैन ।

निवर्तमान वडाध्यक्ष भट्टले देउवा प्रधानमन्त्री हुँदा र अघिल्लो सरकार हुँदा बजेट माग्दा समेत नपाएको गुनासो गरे । 

‘२०५१ सालमा यो ठाउँमा सडक आएको हो तर पिच गर्न सकिएको छैन,’ उनले भने, ‘देउवा दाइ ५ चोटी प्रधानमन्त्री हुनुभयो । हामीले पहल गरेको हो । बजेट आउँछ भन्नुहुन्थ्यो अहिलेसम्म बजेट राम्रोसँग परेको छैन ।’

आफ्नै गाउँपालिकामा चुनौती 

आसन्न स्थानीय तहको चुनावमा प्रधानमन्त्री देउवाकै गाउँपालिकामा कांग्रेसका सामु कडा चुनौती खडा भएको छ ।

नेपाली कांग्रेसबाट अध्यक्ष पदका उम्मेदवार इन्द्रकुमार कार्की एक्लै प्रतिस्पर्धामा छन् । एमाले– (कांग्रेस बीपी) गठबन्धनबाट अध्यक्षमा करुवा चिह्न लिएर सुरेन्द्रबहादुर ओली उठेका छन् ।

माओवादी केन्द्र, नेकपा (एस), राप्रपा र जनमोर्चाले पनि एक्लाएक्लै उम्मेदवारी दिएका छन् ।

अहिले देशभरमा नेपाली कांग्रेस, माओवादी केन्द्र, नेकपा (एस), जनता समाजवादी पार्टी र राष्ट्रिय जनमोर्चा ५ दलीय गठबन्धन गरेर चुनावमा होमिएको छ, तर देउवाकै गाउँपालिकामा सबै एक्लाएक्लै लड्न लागेका हुन् । 

गाउँपालिका जसोतसो जितियो भने पनि वडाहरूमा मुस्किल रहेको स्वयं कांग्रेस कार्यकर्ताहरू बताउँछन् ।

वडा कार्यालयबाट तल रुवाखोलाको छेउछाउमा पाकेको गहुँ सुनजस्तै पँहेलपुर देखिएको थियो ।

त्यहाँबाट करीब ७ किलोमिटरको यात्रा पार गरेपछि प्रधानमन्त्री देउवा जन्मिएको घर पुगियो ।

त्यहाँ उनकी काकी राजुदेवी देउवा भेटिइन् । उनी माथिल्लो घरको आँगन बसेर भतिज शेरबहादुरको खण्डहर घरतर्फ हेर्दै थिइन् । उनले नै हामीलाई देउवा जन्मिएको घर चिनाइदिइन् । 

त्यहाँ घरको भग्नावशेष मात्रै थियो । घरको तल्लो तल्लामा झ्यालका आकारहरू मात्र देखिन्थे भने अन्त ढुंगामात्रै ।

उनको आँगनमा भलिबल खेल्ने ग्राउन्ड बनाइएको थियो । त्यसका लागि जाली टाँगेर राखिएको थियो । 

घरको तल्लोपट्टि पक्की शौचालय थियो, जुन अहिले पनि राम्रो छ । 

देउवाको आँगनको छेउमा तुलसी रोप्नका लागि बनाइएको मठ पनि थियो । एउटा अनारको रुखमा लटरम्म फूल फुलिरहेका थिए ।

देउवाको घरसँगै लहरै तीनवटा घर थियो । कुनामा देउवाको परिवारको, बीचमा उनका जेठो बुवाको र अर्कोतर्फको छेउमा माइला बुवाको ।

तीनवटै घर हामीलाई उनकी काकी राजुदेवीले चिनाइदिइन् ।

अरू दुई घरमा कमेरो पोतिएको थियो भने देउवाको घरचाहिँ भग्नावशेष मात्र थियो ।

राजुदेवीले आँगनको डिलमा बसेर प्रधानमन्त्री देउवाका बाल्यकाल र उनका घरबारीका बारेमा सुनाउँदै भनिन्, ‘म ५७ वर्ष अगाडि बिहे गरेर आउँदा भर्खरको केटो थियो । तेजिलो र चलाख थियो । अहिले पनि झल्झली याद आउँछ ।’

उनले देउवा पहिलोचोटी गृहमन्त्री हुँदा त्यही भत्किएको घरमा खसी काटेर भोज लगाएको कुरा पनि सुनाइन् । 

उनले त्यो समयमा आफ्नो घर, पल्लो गाउँ, सदरमुकाममा खसी काटेको सम्झिइन् । 

‘प्रधानमन्त्री शेरबहादुर देउवा आउँदा हालखबर सोध्ने गर्छन् । देउवा आउँदा हरेक भेटमा ढोगिदिन्छन्,’ उनले भनिन्, ‘मसँगै कुरा गरेर बस्छन् ।’  

तर पछिल्ला धेरै वर्षदेखि देउवा चुनाव हुँदा मात्रै गाउँ आउँछन् । त्यहाँ पनि मतदानस्थलमा मात्रै भेटिन्छन् ।

अहिले प्रधानमन्त्री देउवाबारे आफ्नो श्रीमानसँग फोनमा कुरा गरेर मात्र थाहा पाउने गरेको उनले बताइन् । 

‘शेरबहादुर राम्रै छ रे प्रधानमन्त्री भएर देश चलाएको छरे, मलाई मेरा श्रीमान्ले तराईबाट फोनमा बताउनुहुन्छ,’ उनले भनिन्, ‘पहिले हामीहरू बसेको तलपट्टीको सबै खेत शेरबहादुर देउवाका बुवा प्रसादसिंह देउवाको सम्पत्ति थियो । पछि देउवाको परिवार तराई झरेपछि बिक्री गरे ।’

शेरबहादुरकी छिमेकी काकी पार्वती देउवाले विदेश पढेर आएपछि प्रधानमन्त्री भएर देश चलाएको र नाम कमाएको देख्दा खुशी लागेको बताइन् । 

‘मेरो भतिज हो, नाम कमाएको छ, देश चलाएको छ, ठीक गरेको छ, हाम्रो नाम राखेको छ,’ पार्वतीले लोकान्तरसँग भनिन्, ‘उसले कहिल्यै पनि हार्दैन, अहिलेसम्म भित्तामा उसकै पोष्टर टाँगेको छ ।’ 

देउवाको घर भएर फर्किँदा रुवाखोलामा पानी सुकेर खाली खोला मात्रै देखियो । तर आसपासका खेतहरू भने पाकेका गहुँले निकै सुन्दर र भरिभराउ थिए ।


hAMROPATRO BELOW NEWS
TATA Below
माघ २७, २०८०

भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...

फागुन ५, २०८०

श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...

मंसिर १४, २०८०

प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...

माघ १३, २०८०

रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...

मंसिर ३०, २०८०

बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् ।  काठम...

माघ २०, २०८०

नृत्यका पारखीहरूका लागि लुम्बिनी प्रदेशमा लोकप्रिय नाम हो किशोर थापा । रुपन्देहीका किशोरको परिचय खाली नृत्यकार (डान्सर)मा मात्र सीमित छैन । उनी नृत्य निर्देशक, गायक, मोडल र फूटबल खेलाडीको रूपमा समेत उत्तिकै च...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x