कात्तिक २०, २०८०
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
बैशाख १८, २०७९
वैशाख ३० गते हुने स्थानीय तह निर्वाचनका लागि मेट्रो रेल गुडाउनेदेखि केबुलकार झुन्ड्याउने, भ्युटावर बनाउनेदेखि पार्क सजाउनेसम्मका एजेण्डा लिएर उम्मेदवारहरू मतदाताको घरदैलोमा पुगेका छन् । अन्य पालिकाका उम्मेदवारले ठूला र महत्त्वाकांक्षी एजेन्डा बोकेर जनताकोमा गइहेको समयमा नेपालको एउटा नगरपालिका जहाँ अहिले चुनावी एजेन्डा बनेको छ– बाँदर धपाउने कुरा ।
नेपालमा प्रस्तावित भएका ‘स्मार्ट सिटी’मध्येको एक स्याङ्जाको वालिङ नगरपालिकाको मेयरका प्रत्यासीको एउटा चुनावी एजेन्डा बाँदर धपाउने छ ।
निवर्तमान मेयर दिलिपप्रताप खाँणको पहलमा केही वर्ष पहिले बाँदर धपाउने यन्त्र बनाएर वितरण गरिएको थियो । तर, त्यो दिगो समाधान भएन ।
शुरूशुरू बन्दुक पड्काएको जस्तो आवाजले बाँदर भागेपनि अहिले भने बाँदरले टेर्न छाडेकाले नयाँ विकल्पको खोजी शुरू भएको छ । मेयरका प्रत्यासी कांग्रेस उम्मेदवार दिलिप खाँण तथा नेकपा एमालेका उम्मेदवार कृष्ण खाँण दुवैले बाँदर नियन्त्रणलाई एउटा चुनावी एजेन्डा बनाएका छन् ।
वालिङको ठूलो सामाजिक समस्याको रूपमा बाँदर रहेकाले यसलार्य चुनावी एजेण्डा बनाएको एमालेबाट मेयरका प्रत्यासी कृष्ण खाँणले बताए ।
‘वालिङको ठूलो सामाजिक समस्याको रूपमा बाँदर पनि परेको छ, मतदाताले यो कुरा उठाइरख्नुभएको छ । यहाँका बाँदरलाई छोपेर राष्ट्रिय निकुजमा लैजान सकिन्छ कि ? बन्ध्याकरण गरेर उनीहरूको संख्या बढ्न नदिने उपाय हुन्छ कि भनेर सोचिरेका छौं,’ खाँणले भने । यस्तै जोडिएका नगरपालिकासँग समन्वय गरेर कुनै जंगलमा बाँदर राख्ने र उनीहरूलाई खानाको व्यवस्था गर्न सकिन्छ कि भन्ने सोचाइ पनि रहेको उनले बताए ।
नेपाली कांग्रेसका उम्मेदवार दिलिप खाँण विश्वस्तरमा भएका अनुभवका आधारमा बाँदरको समस्या समाधान गर्ने बताउँछन् । ‘बाँदरले दिएको समस्या र चुनौतीलाई कसरी समाधान गर्ने, चुनौतीलाई अवसरमा बदल्न सकिन्छ कि भनेर संयुक्त राष्ट्रसंघीय विकास कार्यक्रम युएनडीपीसँग मिले अध्ययन गर्ने सम्झौता भइसकेको छ । बाँदर नियन्त्रणमा अन्तर्राष्ट्रिय अभ्यासलाई आधार मानेर समस्या समाधान गर्छौं,’ निवर्तमान मेयर रहेका दिलिपले भने ।
नगरपालिकाले बनाएको बाँदर धपाउने यन्त्रले बाँदर त्रर्सिन छाडेकाले अर्को विकल्पमा जानुपर्ने उनले बताए ।
सँगै स्कूल पढेका र त्यहीँ पढाएका खाँण दाजुभाइको प्रतिस्पर्धा
वालिङ नगरपालिकाको मेयरका प्रत्यासी नेपाली कांग्रेसका दिलिप खाँण र नेकपा एमालेका कृष्ण खाँण एउटै स्कूल पढेका हुन् । पूर्णामृत भवानी उच्च माविमा सँगै पढेका उनीहरूले विद्यालयमा पढाएका पनि थिए । कांग्रेस र एमाले दुवैका उम्मदवार खाँण भएपनि उनीहरूको नजिकको नाता छैन ।
कृष्ण भीरकोटे खाँण हुन् भने दिलिप गरुङकोटे खाँण हुन् । ‘उहाँहरू सँगै पढेको र पढाएको मिल्ने साथी हो, दाजुभाइ होइन । अहिले मित्रवत प्रतिस्पर्धा गरिरहनुभएको छ,’ नेकपा एमाले स्याङ्जाका सचिव मोहन गुरुङले भने ।
२०५४ सालमा शिक्षक पेशाबाट राजीनामा दिएर उपमेयरमा उठेका कृष्ण त्यतिबेला पराजित भएका थिए ।
कांग्रेसबाट मेयरका प्रत्यासी दिलिपले आफूहरूले मित्रवत प्रतिस्पर्धा गरेको र एकले अर्कोप्रति आक्षेप लगाउने काम नगरेको बताए । ‘मैले त चुनावी अभियानमा सँगै हिडौं, एउटै सभामा भाषण गरौं, मतदाताले जसलाई जिताएपनि स्वीकारौं भनेको थिएँ, पार्टीका साथीहरू मान्दैनन् भनेर उहाँ सहमत हुनुभएन,’ दिलिपले लोकान्तरसँग भने ।
राजनीतिक दलले उम्मेदवार बनाएपछि श्रीमान् श्रीमतिबीच पनि प्रतिस्पर्धा स्वाभाविक हुने उनी बताउँछन् । ‘हामी राम्रो साथी हो । आफ्ना एजेन्डा लिएर मतदाताकोमा गएका छौं । जनताले सही मूल्यांकन गर्छन् भन्ने विश्वास छ,’ कृष्णले लोकान्तरसँग भने ।
के भन्छन् मतदाता ?
पाल्पा–पोखरा सिद्धार्थ राजमार्गको बीचखण्डमा पर्ने वालिङको अधिकांश भाग ग्रामीण भेगमा पर्छ । वालिङलाई भारतको जयपुरमा जस्तो पिंकसिटी बनाउन नगरपालिकाले गरेको आह्वानअनुसार यहाँका अधिकांश घर पिंक कलरले सजाइएका छन् ।
राजमार्ग भएर हिँड्ने यात्रुले चिटिक्क देख्ने यो नगरपालिकाको ग्रामीण क्षेत्र बाँदरले सताएको क्षेत्र हो । बाँदर आतंककै कारण कतिपय जनता बसाइँसराइ गर्न बाध्य छन् ।
स्थानीय हरि पंगेनी स्मार्ट सिटीलाई हाँक्नका लागि भिजन भएको मेयर आवश्यक रहेको बताउँछन् । ‘स्मार्ट सीटी भनिए पनि यहाँको एउटा समस्या बाँदर आतंक छ, बाँदरले किसानको खेतीबालीमा क्षति गरेका कारण जनताले कष्ट व्यहोरिरहेका छन् । जनताको पक्षमा काम गर्ने हो भने यसको समाधान खोज्नैपर्छ,’ उनले भने ।
वालिङमा एग्रिकल्चर र टुरिजम क्षेत्रमा काम गरिरहेका गणेश राउत ‘एग्रो टुरिजम’मा नगरपालिकाले सही नीति ल्याएमा पोखरा लगायतका क्षेत्रबाट आन्तरिक पर्यटक भित्र्याउन सकिने बताउँछन् ।
‘बेरोजगारी यहाँका युवाको मुख्य समस्या हो, आन्तरिक पर्यटक भित्र्याउने भनेको एग्रो टुरिजममार्फत हो, भिजन भएको मेयर हामीले खोजिरहेका छौं,’ राउतले भने ।
वालिङ नगरपालिका वार्ड नम्बर १४ का धनप्रसाद लुइँटेल चुनावको समयमा दिइएका आश्वासन पूरा नभएको गुनासो गर्छन् । ‘नेताहरूको केही भर हुन छाड्यो, चुनावको बेला सबैथोक गर्छु भन्ने, जितेपछि काम नगर्ने,’ लुइँटलले भने, ‘मेरो घरमा ४ जना भोटर छौं, सोच विचार गरेरै भोट हाल्ने हो ।’
स्थानीय मीनाकुमारी बगाले वालिङको विकास गर्ने मेयर आफूहरूले खोजिरहेको बताउँछिन् ।
‘विकास गर्ने राम्रो मान्छेले चुनाव जितुन् भन्ने हाम्रो चाहना छ,’ उनले भनिन् । खानेपानी, सरसफाइजस्ता कुरामा नगरपालिकाले ध्यान दिनुपर्ने उनले बताइन् ।
यस्तो छ राजनीतिक दलहरूको दाबी
नेकपा एमालेकी सचिव पद्मा अर्याल तथा नेपाली कांग्रेसका प्रभावशाली केन्द्रीय सदस्य गोपालमान श्रेष्ठको निर्वाचन क्षेत्र रहेको वालिङमा २०७४ सालको स्थानीय तह निर्वाचनमा कांग्रेस विजयी भएको थियो ।
सोही सालमा भएको प्रतिनिधि सभा निर्वाचनमा पद्माले गोपालमानको विरासत ढालेकी थिइन् ।
वालिङको मेयरका लागि माओवादीका नित्यानन्द तिवारीले पनि उम्मेदवारी दिएका छन् । मतदाताहरूका अनुसार मुख्य प्रतिस्पर्धा भने कांग्रेस र एमालेबीच हुने देखिन्छ । नेपाली कांग्रेस विगतमा भन्दा आफ्नो पोजिसन राम्रो भएकाले चुनाव जितिनेमा ढुक्क छ भने एमाले पनि यसपटक वालिङमा सहज जीत हासिल पार्न सकिनेमा विश्वस्त छ ।
वालिङ– ९ का वडाध्यक्ष समेत रहेका नेपाली कांग्रेसका स्थानीय नेता पिताम्बर भुसाल पहिलो कार्यकालमा गरेका कामकै आधारमा यसपटक चुनाव जित्न सहज रहेको दाबी गर्छन् । ‘नगरपालिकाको धेरै ठाउँमा कुलो र सिँचाइको व्यवस्था गरेका छौं । कोभिडको समयमा मेयरको सक्रियताले जनता उहाँको कामबाट धेरै सन्तुष्ट छन्,’ भुसालले भने ।
मुख्य राजमार्गमा रहेका अस्थायी संरचना हटाएकाले दुर्घटना घटेको, भित्री सडकहरू कालोपत्रे गरेको, फोहोर व्यवस्थापन गरेको जस्ता कारणले दिलिपलाई दोस्रोपटक मेयरको उम्मेदवार बनाइएको भुसाल बताउँछन् ।
एमालेका जिल्ला कमिटी सचिव मोहन गुरुङ नेकपा एमालेका उम्मेदवार आम मतदातासँग परिचित रहेकाले यसपटक एमालेले चुनाव जित्ने दाबी गर्छन ।
‘जनताको दुखः सुखको साथीको रूपमा कृष्ण खाँणको पहिचान स्थापित छ । जनताका समस्यामा जोडिएकाले वालिङका ३१ हजार मतदातामध्ये ९० प्रतिशतलाई खाँणले चिन्नुहुन्छ,’ गुरुङले लोकान्तरसँग भने ।
विकास बजारबाट ल्याउने होइन गाउँबाट गर्ने हो भन्ने कृष्णको परिभाषा रहेको उनले बताए ।
२०७४ सालको चुनावमा कांग्रेस उम्मेदवार खाँणले १० हजार ६ सय मत प्राप्त गर्दा निकटतम् प्रतिद्वन्द्वी एमालेका पुण्यप्रसाद अर्यालले ८ हजार ७ सय ४९ मत प्राप्त गरेका थिए ।
उपमेयरमा पनि ९ हजार ८ सय ९५ मतसहित कांग्रेसकी कल्पना तिवारी विजयी हुँदा एमालेकी खगिसरा थापाले ९ हजार ३ सय ५७ मत प्राप्त गरेकी थिइन् ।
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...