नेपाल प्रहरीका नवनियुक्त महानिरीक्षक (आईजीपी) धिरजप्रताप सिंहले काम गर्न पाउने भएका छन् ।

सिंहको नियुक्तिविरुद्ध अन्तरिम आदेश माग गर्दै परेको रिटमा सर्वोच्च अदालतले अन्तरिम आदेश दिन अस्वीकार गरेको छ ।

सर्वोच्च अदालतका सहायक प्रवक्ता देवेन्द्र ढकालका अनुसार अन्तरिम आदेश दिन अस्वीकार गरिएको छ । जेठ १५ गते पूर्ण सुनुवाइका लागि पेशी तोकिएको उनले बताए ।
 
प्रहरी अतिरिक्त महानिरीक्षक (एआईजी) विश्वराज पोखरेलले सोमवार सर्वोच्च अदालतमा दायर गरेको रिटमा न्यायाधीश सुष्मलता माथेमाको इजलासमा सुनुवाइपछि बिहीवार कारण देखाउ आदेश गरिएको छ ।
 
धीरजप्रताप सिंहलाई प्रहरीको आईजीपी नियुक्त गर्ने मन्त्रिपरिषद्को निर्णयविरुद्ध प्रहरी अतिरिक्त महानिरीक्षक (एआईजी) विश्वराज पोखरेलले सोमवार सर्वोच्च अदालतमा रिट दायर गरेका थिए ।