
सुर्खेतमा नेकपा एमाले र नेपाली कांग्रेसका कार्यकर्ताबीच झडप हुँदा ६ जना घाइते भएका छन् ।
सिम्ता गाउँपालिका–६ मा दुई पार्टीका कार्यकर्ता एकआपसमा झगडा गर्दा ४ जना प्रहरी र २ जना कार्यकर्ता घाइते भएको जिल्ला प्रहरी कार्यालय सुर्खेतका प्रमुख एसपी पदमबहादुर विष्टले बताए ।
मंगलवार बेलुका भएको झडप नियन्त्रणका क्रममा प्रहरीहरू सामान्य घाइते भएको र प्राथमिक उपचारपछि निको भएर काममा फर्किसकेको उनले बताए ।