निर्वाचन आयोगले मौन अवधिमा प्रचारप्रसार गरेको आरोपमा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’लाई ८ घण्टे स्पष्टीकरण सोधेको छ ।

मौन अवधिमा अध्यक्ष प्रचण्डबाट भएका क्रियाकलापबाट निर्वाचन आचारसंहिता उल्लंघन भएको आयोगको ठहर छ ।

आयोगले आचारसंहिता उल्लंघनकर्ताको रूपमा नाम सार्वजनिक किन नगर्ने, आचारसंहिता बमोजिम कारवाही किन नगर्ने भनेर स्पष्टीकरण सोधेको छ ।

भरतपुर महानगरपालिका–२६ चनौली र दिव्यनगरमा कार्यकर्ता भेटघाट गरेर भरतपुर महानगरपालिकामा गठबन्धनका तर्फबाट उम्मेदवार रहेका व्यक्तिको पक्षमा मत मागेको विशेष अनुगमन टोली, सुक्ष्म अनुगमन टोली र सुरक्षा निकायबाट जानकारी प्राप्त भएको आयोगले जनाएको छ ।

भरतपुर महानगरपालिकामा गठबन्धनको तर्फबाट प्रचण्डपुत्री रेणु दाहाल मेयर पदमा उम्मेदवार छिन् । 

आयोगले प्रचण्डलाई आचारसंहिता उल्लंघनबाट नरोकेको आरोपमा प्रदेश प्रहरी प्रमुख पुजा सिंह र जिल्ला प्रहरी कार्यालय चितवनका एसपी नवराज अधिकारीलाई समेत स्पष्टीकरण सोधेको छ ।

भरतपुरमा प्रचण्ड र मन्त्रीको ताँती, गठबन्धनको उम्मेदवारी रद्द गर्न एमालेको माग [भिडियोसहित]