×

X
Nic Asia
Khukuri

स्थानीय चुनाव

बधाई छ थपलिया, धन्यवाद देउवा !

‘चुनावमा कसैको जीतहार होला, तर लोकतन्त्रको विजय भएको छ’

काठमाडाैं | बैशाख ३०, २०७९

NTC
Argakhanchi Cement
Premier Steels
TVS INSIDE

तमाम अन्योल र आशंकाबीच शुक्रवार स्थानीय तह निर्वाचनको मतदान सम्पन्न भएको छ । एकाध ठाउँमा भएका झडपबाहेक प्रायः मतदान शान्तिपूर्ण भएको छ । 

LAxmi BAnk
nabil BANK inside

प्रचण्ड गर्मी र झरीको पर्वाह नगरी मतदाताले आफ्नो विवेकको मत बाकसमा खसालेका छन् । 


Advertisment
RMC TANSEN
cg elex island
NIC ISLAND BOX

मतपेटिकालाई गणनास्थलसम्म सुरक्षित ढंगले पुर्‍याउने र मतगणना सम्पन्न गरेर निर्वाचितलाई प्रमाणपत्र दिएपछि निर्वाचन प्रक्रिया सम्पन्न हुनेछ । 

स्थानीय तहको निर्वाचन समयमा हुने नहुनेमा कयौं आशंका थियो । प्रधानमन्त्री शेरबहादुर देउवा र एमाले अध्यक्ष केपी शर्मा ओलीबीच आजसम्म पनि ठट्टा चलेको थियो । मतदान गरेपछि देउवाले ठट्टा गर्दै भनेका थिए, ‘चुनाव हुँदैन भनेर आशंका गर्ने ओलीले पनि भोट हाल्नुभयो होला !’ जवाफमा ओलीले भनेका छन्, ‘देउवाले वैशाख ९ गतेसम्म पनि चुनाव सार्न प्रस्ताव गर्नुभएको थियो ।’


Advertisment
Saurya island

सत्ता गठबन्धनकै कतिपय दलहरू स्थानीय चुनावभन्दा पहिला प्रतिनिधि सभा निर्वाचन गर्ने अडानमा थिए । तर गठबन्धनको नेतृत्वकर्ता दल कांग्रेसका सभापति एवं प्रधानमन्त्री शेरबहादुर देउवाले स्थानीय तहको चुनाव पहिला गर्ने अडान लिए । यसमा कांग्रेस महामन्त्रीद्वय गगन थापा र विश्वप्रकाश शर्माको अडान पनि सहायक रह्यो । सरकारले चुनावको मिति घोषणा गर्‍यो, निर्वाचन आयोगले तयारी पूरा गर्‍यो र शुक्रवार मतदान सम्पन्न भयो । 

Vianet communication
IME BANK INNEWS

गत माघ २४ गते सरकारले स्थानीय तह निर्वाचनको मिति घोषणा गर्दा धेरैले निर्वाचन हुनेमा सन्देह व्यक्त गरेका थिए । मिति घोषणा भएपछि पनि अमेरिकी आर्थिक सहयोग कार्यक्रम (एमसीसी) प्रकरणले चुनावमा सन्देह पैदा गरेको थियो । तर, एमसीसीको भाँजोमा चुनाव परेन ।

निर्वाचन आयोगले चुनावको तयारी सम्पन्न गर्ने बेलामा नेत्रविक्रम चन्द विप्लव नेतृत्वको नेकपाले आफूलाई चुनावमा सहभागी गराउन सरकारसँग आग्रह गरेको थियो । विप्लवलाई सहभागी गराउने नाममा चुनाव टार्न खोजिएको भनेर विपक्षी दलले आशंका गरेका थिए । जे होस्, चुनाव सार्ने षडयन्त्रको कारक विप्लव बनेनन् ।  

देउवा उत्तीर्ण भएको दोस्रो परीक्षा

वि.सं. २०५९ सालमा चुनाव गराउन नसकेको भन्दै तत्कालीन प्रधानमन्त्री शेरबहादुर देउवालाई तत्कालीन राजा ज्ञानेन्द्र शाहले अक्षम घोषणा गरी अपदस्थ गरेका थिए ।

२०५९ सालमा शुरू भएको प्रतिगमनको शृङ्खलालाई निरन्तरता दिँदै २०६१ सालमा फेरि एकपटक देउवालाई अपदस्थ गरेर राजाले प्रत्यक्ष शासन शुरू गरे ।

दरबारले अक्षम घोषणा गरेको दुई दशक बितिसक्दा समेत देउवामाथि ‘प्रजातन्त्र दरबारमा बुझाएको’ र चुनाव गराउन अक्षम रहेको भन्ने आरोप लाग्ने गरेको छ । देउवालाई अक्षम घोषणा गर्ने राजतन्त्र अन्त्य भएर गणतन्त्र स्थापना भएको पनि डेढ दशक पूरा भएको छ । त्यो बेला अर्को कोही बहादुर भएको भए पनि चुनाव गराउने परिस्थिति थिएन, किन्तु देउवामाथि आरोप लगाउने गरिएको छ । 

चुनाव गराउन अक्षम रहेको भन्ने आरोप देउवाले २०७४ सालमै खण्डन गरिसकेका हुन्, प्रतिनिधि सभा निर्वाचन गराएर । सत्तासाझेदार माओवादी केन्द्रले ‘छापामार शैली’मा एमालेसँग तालमेल गरेको अवस्थामा कांग्रेसले चुनावमा हार्छ भन्ने जान्दाजान्दै देउवाले चुनाव गराएर लोकतन्त्रलाई ट्र्याकमा ल्याउन भूमिका खेलेका थिए । पार्टीलाई हराएर भए पनि देशलाई अगाडि बढाएका थिए, देउवाले ।

त्यही सर्वस्वीकार्य नेतृत्वका कारण आफैँले ५ वर्ष प्रतिपक्षमा बस्छु भनेको दल कांग्रेसले फेरि सरकारको नेतृत्व गर्ने र संविधान कार्यान्वयन गर्ने अवसर पायो । सरकारमा गएर उत्कृष्ट पफर्मेन्स देखाउन नसके पनि स्थानीय तहको चुनाव सम्पन्न गरेर देउवाले लोकतन्त्रलाई चलायमान बनाएका छन् । ‘चुनाव गराउन अक्षम’ भनेर लागेको आरोप देउवाले व्यवहारबाटै खण्डन गरेका छन् । संविधान कार्यान्वयन गर्न खेलेको भूमिकाप्रति प्रधानमन्त्री देउवालाई धन्यवाद भन्नैपर्छ । 

स्थानीय निर्वाचनको सफलतापछि अब प्रतिनिधि सभा र प्रदेश सभा निर्वाचन पनि समयमै सम्पन्न गर्नु सरकारको दायित्व हुनेछ । तोकिएको समय अर्थात् आगामी मंसिरसम्ममा प्रतिनिधि सभाको निर्वाचन गराउने कुरामा देउवाले सम्झौता गर्ने छैनन् भन्ने अपेक्षा राखौं । 

बधाई थपलिया

प्रमुख निर्वाचन आयुक्त बन्नुअघि दिनेश थपलियाले निजामती प्रशासनमा एक अब्बल प्रशासकको परिचय बनाएका थिए । प्रमुख निर्वाचन आयुक्तको भूमिकामा स्थानीय तहको निर्वाचन उनका लागि परीक्षाको विषय थियो । रेफ्री सक्षम भएन भने खेल फेयर हुँदैनथ्यो । राम्रो गीतकार समेत रहेका थपलिया आफ्नो तेस्रो परिचयमा समेत कुशल देखिएका छन् ।

स्थानीय तहको निर्वाचन सम्पन्न गराएर थपलियाले आफूलाई निर्वाचन आयुक्तहरूमध्ये अब्बलको सूचीमा समावेश गरेका छन् । आचारसंहिता उल्लंघनमा पूर्वप्रधानमन्त्री समेतलाई स्पष्टीकरण सोधेर आयोगले अडान राखेको छ । स्थानीय तहको निर्वाचन सम्पन्न गराएर थपलिया लगायतको टीमले राष्ट्रप्रति गुन लगाएको छ । चुनाव सम्पन्न गराएकोमा उनलाई बधाई दिनैपर्छ ।

दलको जीतहार, लोकतन्त्रको विजय !

मतदाताले प्रयोग गरेको विवेकको मतको गणना अबको केहीबेरमा शुरू हुँदैछ । दलीय व्यवस्था र प्रतिस्पर्धात्मक चुनावमा जीतहार स्वाभाविक हुन्छ । आजको चुनावमा कुनै दलले जित्ला या हार्ला बेग्लै कुरा हो, देश र लोकतन्त्र विजयी भएको छ । 

राम्रो काम गरेको दललाई पुरस्कृत र खराब काम गर्नेलाई दण्डित गरेर मतदाताले आफ्नो मत प्रकट गरेका छन् । यो जनमतलाई आधार बनाएर दलहरूले भविष्यमा आफूलाई सुधार्दै राम्रो काम गर्ने अपेक्षा गरौं । 

चुनावमा सक्रियतापूर्वक सहभागी हुने दलहरू तथा मतदाता र यसलाई सुरक्षित एवं उल्लासमय वातावरणमा सम्पन्न गराउन भूमिका खेल्ने कर्मचारीहरू, सुरक्षाकर्मी तथा स्वयंसेवकहरू पनि धन्यवादका पात्र छन् ।

Maruti inside
Mega
NLIC
TATA Below
ncc inside
मंसिर १, २०७९

मंसिर ४ गते हुने प्रतिनिधिसभा र प्रदेशसभा निर्वाचनको धरातलीय यथार्थ बुझ्न र रिपोर्टिङका लागि सम्पादक विमल गौतम र मैले कार्तिक १८ गते काठमाडौंदेखि चितवन हुँदै सुदूरपश्चिम प्रदेशसम्मको यात्रा शुरू गरेका थियौं । ...

मंसिर ७, २०७९

यसै साता सम्पन्न प्रतिनिधिसभा निर्वाचनले देशमा एकप्रकारको राजनीतिक उथलपुथल ल्याइदिएको छ । पुराना र स्थापित राजनीतिक दललाई झस्का दिनेगरी केही नयाँ दलको उदय भएको छ । नवगठित राष्ट्रिय स्वतन्त्र पार्टीले राज...

मंसिर १३, २०७९

रुस–युक्रेन द्वन्द्व लम्बिँदै जाँदा पश्चिमाहरूबीच आफैं चिरा पर्न लागेको देखिन्छ ।  आन्ध्र महासागरको वारि र पारि रहेका देशबीच विग्रहका संकेतहरू पाइन थालेका छन् । पोलिटिको पत्रिकाले बिहीवार (नोभेम्बर...

मंसिर ११, २०७९

प्रतिनिधिसभा निर्वाचनको मतगणना अन्तिम चरणमा पुग्दै गर्दा अब सबैको चासो नयाँ सरकार कहिले र कस्तो बन्दैछ भन्नेमा छ । स्याङ्जा, दोलखा र बाजुराबाहेक प्रत्यक्षतर्फको मतगणना अन्तिम चरणमा पुगेको छ । समानुपातिकतर्फको मतगण...

मंसिर १२, २०७९

प्रतिनिधिसभा निर्वाचनमा मधेशमा नेकपा (माओवादी केन्द्र) पत्तासाफ भएको छ । मधेश प्रदेशको कुल ३२ सीटमध्ये पाँचदलीय सत्ता गठबन्धनबाट ६ सीटमा चुनाव लडेको माओवादीले एउटा सीट पनि जित्न सकेन । २०७४ सालको प्रतिनिधिसभा...

मंसिर ११, २०७९

एक प्रतिनिधिसभा र दुई प्रदेशसभा निर्वाचन क्षेत्र रहेको सल्यानमा प्रत्यक्षतर्फ हार बेहोरेको नेकपा (एमाले) समानुपातिकतर्फ भने पहिलो दल बनेको छ । मुख्य निर्वाचन अधिकृतको कार्यालयद्वारा सार्वजनिक समानुपातिकतर्फको परिणा...

मधेशमा सीके राउतको उदय भयो भनिहाल्नु हतारो हुन्छ : सीके लाल [कुराकानी]

मधेशमा सीके राउतको उदय भयो भनिहाल्नु हतारो हुन्छ : सीके लाल [कुराकानी]

मंसिर ९, २०७९

मधेश आन्दोलनबाट उदाएका राजनीतिक दलहरूको अहिले भएको हार स्वाभाविक नै हो । केही दिनपछि मान्छेमा वितृष्णा आउनु स्वाभाविक नै हो । मधेश आन्दोलनको आक्रोश मत्थर भएको छ । सबै आ-आफ्नै कामधन्दामा लागेका छन् । नुन, तेल,...

जनताको बीचमा रहेर काम गरेकाले मैले चुनाव जित्ने निश्चित छ– परशुराम बस्नेत [कुराकानी]

जनताको बीचमा रहेर काम गरेकाले मैले चुनाव जित्ने निश्चित छ– परशुराम बस्नेत [कुराकानी]

मंसिर १, २०७९

परशुराम बस्नेत प्रदेशसभा सदस्य उम्मेदवार, मोरङ, क्षेत्र नम्बर ६ (ख) म निर्वाचनमा उम्मेदवारी दर्तापछि विभिन्न अभियानमा सहभागी हुनका लागि बिहान ५ बजे उठ्छु । व्यस्तता बढी हुने भएकाले प्रायःजसो राति १ बजे सुत्छु ...

रुपन्देहीका सपनालाई विपनामा बदल्ने नेता विष्णु पौडेल

रुपन्देहीका सपनालाई विपनामा बदल्ने नेता विष्णु पौडेल

कात्तिक ३०, २०७९

डी.आर. घिमिरे पुराना बेठीक नयाँ ठीक भन्ने भाष्य अहिले नेपाली राजनीतिमा खडा गरिएको छ । निर्वाचनका सन्दर्भमा यो कति ठीक हो भन्ने समीक्षा गर्न पाँच वर्ष कुर्नुपर्ने अवस्था छ । तथापि फोहोर बनेको राजनीतिलाई...

ad
x