सफा हिमाल अभियान अन्तरगत नेपाली सेनाले ३० हजार ३४४ केजी फोहोर संकलन गरेको छ ।

२०७८ चैत २२ गतेबाट शुरू भएको सफा हिमाल अभियान खटिएको टोलीले सगरमाथा र ल्होत्से हिमालबाट कुहिने १ हजार ३०८ र नकुहिने ८ हजार ६२४ केजी गरि ९ हजार ९३२ केजी फोहोर संकलन गरेको छ । 

यस्तै कञ्चनजंघा हिमालबाट कुहिने ३ हजार १७ र नकुहिने १२ हजार ३५६ केजी गरि १५ हजार ३७३ केजी फोहोर संकलन गरेको छ र मनास्लु हिमालबाट ९४१ कुहिने र २५ हजार ०७८ केजी नकुहिने गरि ५ हजार ३९ केजी फोहोर संकलन गरेको जंगी अड्डाले जनाएको छ । 

हिमालहरूको वेश क्याम्पहरूमा खटिएका नेपाली सेनाका डाक्टर अधिकृतहरूले आरोहणको लागि आउने स्वदेशी तथा विदेशी गैह्र सैनिक व्यक्तिहरुलाई परामर्श  गर्नुका साथै स्वास्थ्य सेवा प्रदान गरिरहेका छन् ।  

सञ्चार माध्यमको पहुँच नभएको कञ्चनजङ्घा आधार शिविर ईलाकामा आरोहणको लागि आउने स्वदेशी तथा विदेशी गैह्र सैनिक नागरिकहरुलाई घर परिवार तथा आफन्तहरूसँग सम्पर्क गर्नको निमित्त, नेपाली सेनाले, सफा हिमाल अभियान अवधिभरको लागि टेलिफोन सेवा उपलव्ध गराइरहेको नेपाली सेनाले जनाएको छ ।