स्थानीय तह निर्वाचनमा नेपाली काँग्रेसले जीतको संख्या ३ सतक पुर्याएको छ । शुक्रबार रातिसम्म सो पार्टीले ३०० स्थानीय तहका प्रमुख र अध्यक्ष पदमा जित हासिल गरेको हो।  अझै पनि काँग्रेस २४ स्थानीय तहमा मतगणनाका क्रममा अगाडि नै रहेको छ । 
निर्वाचन आयोगका अनुसार काँग्रेसले प्रमुख पद ११६ स्थानमा जितेको छ भने अध्यक्ष पद १८४ स्थानमा जितेको छ । दोस्रो स्थानमा रहेको एमालेले भने ६४ प्रमुख र १२० अध्यक्ष पद जितेको छ । यस्तै माओवादीले २१ प्रमुख र ९६ अध्यक्ष पद जितेको छ । 

शुक्रबार राति साढे १० बजेसम्म देशका विभिन्न ६७५ स्थानीय तहको नतिजा घोषणा भइसकेको छ । निर्वाचन आयोगले बाकी भएका कतिपय स्थानीय तहको मतगणना अन्तिम चरणमा पुगेको पनि जनाएको छ । 
अब ७८ स्थानीय तहका नतिजा आउन बाँकी रहँदा धेरैजसोको अन्तिम चरणमा पुगेको हो ।