बाजुराको बूढीनन्दा नगरपालिकाको मेयरमा नेकपा एमालेका जनककुमार बोहरा निर्वाचित भएका छन् । उनले ५ हजार ११५ मत पाएर विजयी हुँदा उनका प्रतिस्पर्धी नेपाली कांग्रेसका पदमकुमार गिरीले ३ हजार २७१ मत पाएर पराजित भएका छन् ।

यस अघि पदमकुमारसँग मेयरमै पराजित भएका जनकले यो पटक बाजी मार्न सफल भएका छन् ।

मेयर नै दोहोर्याउन खोजेका पदम भने यसपटक पराजित भएका छन् ।

नगरपालिकाको उपमेयरमा भने स्वतन्त्र उम्मेदवार रामबहादुर बोहरा निर्वाचित भएका छन् ।

उनले ४ हजार ७७ मत ल्याउँदा उनका प्रतिस्पर्धी कांग्रेसकी रीतादेवी सिंहले ३ हजार ६७७ मत पाएकी छन् ।