इन्डियन प्रिमियर लिग (आईपीएल) टी-ट्वान्टी क्रिकेटमा मुम्बई इन्डियन्सले दिल्ली क्यापिटल्सलाई हराएको छ।

मुम्बईमा शनिवार राति भएको खेलमा मुम्बईले दिल्लीलाई ५ विकेटले हराएको हो।

मुम्बईसँग पराजित भएपछि दिल्ली प्ले अफमा पुग्न असफल भएको छ । दिल्लीले हारले रोयल च्यालेन्जर्स बैंगलोर प्ले अफमा पुगेको छ ।

अब पहिलो क्वालिफायरमा गुजरात टाइटन्स र राजस्थान रोयल्सबिच प्रतिस्पर्धा हुनेछ । एलिमिनेटरमा लखनउ सुपर जाइन्ट्स र बैंगलोरले प्रतिस्पर्धा गर्नेछन् ।

दिल्लीले दिएको १ सय ६० रनको लक्ष्य मुम्बईले १९ ओभर १ बलमा ५ विकेट गुमाएर पूरा गर्यो ।

त्यसअघि पहिले ब्याटिङ गरेको दिल्लीले २० ओभरमा ७ विकेट गुमाएर १ सय ५९ रन जोडेको थियो ।

यस जीतसँगै मुम्बईले सिजनको सुखद अन्त्य गरेको छ ।

मुम्बई यस सिजन १४ खेलमा ८ अंक जोडेर पुछारमा रह्यो ।

दिल्ली १४ खेलमा १४ अंक जोडेर पाँचौं स्थानमा रह्यो ।