स्थानीय निर्वाचनको समीक्षा तथा सरकारका नीति तथा कार्यक्रमबारे छलफल गर्न सत्तारुढ गठबन्धनको बैठक बसिरहेको छ । 

प्रधानमन्त्री निवास बालुवाटारमा आइतवार दिउँसो गठबन्धनको बैठक बसिरहेको हो । 

वैशाख ३० गते स्थानीय चुनाव सम्पन्न भएपछि गठबन्धनको बैठक पहिलो पटक बसेको हो । 

बजेटअघि जेठ १० गते संसदमा सरकारका वार्षिक नीति तथा कार्यक्रम पेश गर्ने तयारी छ । सरकारको नीति तथा कार्यक्रमलाई अन्तिम रुप दिनेबारे समेत बैठकमा छलफल हुने बालुवाटार स्रोतले बतायो । 

बैठकमा प्रधानमन्त्री एवं कांग्रेस सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल प्रचण्डलगायत गठबन्धनका नेताहरू सहभागी छन् ।