राप्रपा नेपालले निर्वाचन आयोगसँग चुनाव चिह्न ‘गाई’ माग्ने निर्णय गरेको छ । 

सोमवार भएको केन्द्रीय कार्यसम्पादन समितिको बैठकले प्रतिनिधि सभा र प्रदेश सभा निर्वाचनमा मध्यनजर गर्दै निर्वाचन आयोगसँग ‘गाई’ चुनाव चिह्न माग गर्ने निर्णय गरेको हो । 

बैठकले पेट्रोलियम पदार्थको करमा छुट दिएर भए पनि मूल्यवृद्धि तत्काल नियन्त्रण गर्नुपर्ने, संस्थागतरुपमा भइरहेको धर्म परिवर्तनलाई निरुत्साहित गर्नुपर्नेलगायतमा माग पनि सरकारसँग गरेको छ । 

यस्तै राप्रपा नेपालले असार महिनामा राष्ट्रव्यापी सनातन धर्म सम्मेलन गर्ने भएको छ ।