गृह मन्त्रालयले सशस्त्र प्रहरी अतिरिक्त महानिरीक्षक पदमा चन्द्र प्रकाश गौतमलाई बढुवा सिफारिस गरेको छ ।

सोमवार मन्त्रालयले गौतमलाई बढुवा गर्न सिफारिस गरेको हो । 

सशस्त्र प्रहरी सेवा, साधारण समूह, साधारण  उपसमूहतर्फ रिक्त रहेको सशस्त्र प्रहरी अतिरिक्त  महानीरिक्षक पदमा सशस्त्र प्रहरी नियमावली, २०७२ को नियम ३९ को उपनियम (१) को (क) बमोजिम बढुवा समितिको सोमवारकोे निर्णयअनुसार उनलाई बढुवा सिफारिस गरिएको मन्त्रालयले जनाएको छ ।

बढुवा सिफारिस माथि चित्त नबुझ्ने सशस्त्र प्रहरी नायब महानिरीक्षकहरूले सात दिनभित्र बढुवामाथिको उजुरी सुन्ने समितिमा उजुरी दिन सकिने मन्त्रालयले जनाएको छ ।