केही समय देखि कोभिडको कारणले सञ्चालन रोकिएको रुस्लान एफएम ९५.२ फेरि सञ्चालनमा आएको छ । 

गीतलाई मात्र प्राथमिकता दिने रुस्लान  एफएमले नेपाली सङ्गीतकर्मीहरूलाई  विशेष ठाउँ प्रदान गरी आइरहेको छ ।

नेपाली गितका साथसाथै रुस्लान एफएममा  लोकप्रिय हिन्दी तथा अंग्रेजी गितहरु पनि सुन्न सकिने छ । 

‘पहिला भन्दा भव्य तरिकाले संचालन हुने र हाम्रा श्रोताहरूको मनमा फेरी बस्ने सोच सहित कोभिड पश्चात् नयाँ र बेग्लै सोचले हामी अघि बढिरहेका छौं, रुस्लान एफएमका प्रमुख मार्केटिङ अधिकृत बैभव शर्माले भने ।   

बिहान ६ बजे बाट राति १२ बजे सम्म सञ्चालन हुने यस एफएममा बिहान ६ देखि ८ बजे सम्म ‘वर्क्स आउट बीट्स’, बिहान ८ देखि ११ बजेसम्म ‘रश आवर बीट्स, बिहान ११ देखि दिउँसो ४ बजेसम्म ‘चिल बिट्स,’ दिउँसो ४ देखि बेलुकी ७ बजे सम्म ‘इन ट्रेन्ड,’ र बेलुकी ७ देखि राति १२ बजेसम्म ‘भाइब्रेन्ट बिट्स’ गरी ५ फ®क विधाका कार्यक्रमहरूमा विभिन्न सङ्गीत सुन्न सकिने छ ।