युक्रेनका राष्ट्रपति भोलोदीमीर जेलेन्स्कीले रुसका राष्ट्रपति भ्लादिमिर पुटिनसँग कुराकानी गर्न युक्रेन आतुर नरहेको तर युद्ध अन्त्य गर्नका लागि यो तीतो सत्यको सामना गर्नु जरूरी भएको बताएका छन् । 

‘रुससी नेतासँग छलफल गर्ने कुराहरू छन् । हाम्रा मानिस उनीसँग कुरा गर्न इच्छुक छैनन् तर अहिलेको वास्तविकतालाई सामना गर्नैपर्ने हुन्छ,’ एक इन्डोनेसियाली थिंकट्यांकलाई सम्बोधन गर्दै जेलेन्स्कीले बताए । 

‘पुटिनसँगको बैठकमा हामी आफ्नो जिन्दगी फिर्ता चाहन्छौं । हामी आफ्ना भूभागहरू सहितको सार्वभौम मुलुकको जीवन फिर्ता लिन चाहन्छौं,’ उनले भने । 

तर रुस शान्तिवार्ताका लागि अहिलेसम्म पनि तयार नरहेको जेलेन्स्कीको दाबी छ ।