नेपाली कांग्रेसका सहमहामन्त्री महेन्द्र यादवले निजगढमा अन्तर्राष्ट्रिय विमानस्थल निर्माणको काम रोक्न सर्वोच्च अदालतले गरेको फैसलामा आपत्ति जनाएका छन् । 

सर्वोच्चको उक्त फैसलाले मधेशको विकास अवरुद्ध भएको उनको भनाइ छ । 

जसरी हत्याका कसूरदार रञ्जन कोइरालाको मुद्दामा सर्वोच्चको फैसला सर्वोच्चले नै उल्ट्याएको छ, त्यसै गरी निजगढको मुद्दामा गरिएको फैसला पनि सच्याउन उनले आग्रह गरेका छन् । 

'मधेशको विकासको लाइफलाइन हुने, मधेशको समृद्धिको आधार हुने उक्त विमानस्थल निर्माणका लागि अदालत बाधक बन्नु हुँदैन,'  उनले लोकान्तरसँग भने, 'राज्यको अर्बौं रुपैयाँ समेत लगानी भइसकेको अवस्थामा अदालतले गरेको विकास विरोधी फैसलालाई सच्याउन आग्रह गर्दछु ।'