कालीकोटको सान्नी त्रिवेणी गाउँपालिकामा स्वतन्त्र उम्मेदवार माओवादी केन्द्रमा खुलेका छन् । 

पार्टीबाट टिकट नपाएपछि स्वतन्त्र उम्मेदवारी दिएका मोहनबहादुर केसी माओवादीको प्रशिक्षणमा सहभागी भएका हुन् ।

माओवादीले नवनिर्वाचित पदाधिकारीलाई प्रशिक्षण दिन आयोजना गरेको कार्यक्रममा केसी उपस्थित भएका हुन् । ‘पार्टीले टिकट दिएन पुतली चिह्नबाट स्वतन्त्रबाट चुनाव लडेर विजयी भएर आएको छु,’ नेताहरूसँग परिचयको क्रममा केसीले भने । 

स्वतन्त्रबाट गाउँपालिका अध्यक्षमा लडेका केसीले माओवादीका आधिकारिक उम्मेदवार डम्बरबहादुर शाहीलाइ पराजित गरेका थिए । केसी माओवादीमा खुलेसँगै पालिका प्रमुखमा माओवादीको सीट संख्या १२२ पुगेको छ ।