पश्चिमले आउँदा महिनाहरूमा संसारभरि खाद्य संकट ल्याउनका लागि षड्यन्त्र गरिरहेको यमनी राजनीतिकर्मी अब्दुल मलिक अल–हूतीले लगाएका छन् । 

इस्लामिक मुलुकतर्फ खाद्यान्न निर्यात गर्न केही निर्यातक मुलुकहरूलाई रोकेर खाद्य संकट उत्पन्न गर्ने योजना अमेरिका र पश्चिमले बनाएको उनको दाबी छ । 

यमन कृषिप्रधान देश भएको र त्यहाँको धमार ऊर्वर प्रान्त भएको स्मरण गराउँदै अल–हूतीले आफ्नै कृषि उत्पादन बढाउनका लागि घनीभूत र व्यवस्थित काम गर्न पश्चिमी षड्यन्त्रले प्रेरित गरेको बताए । 

अत्यावश्यक खाद्यवस्तुका लागि पश्चिमा शत्रुहरूमाथि पूर्ण रूपमा निर्भर रहनु उपयुक्त नभएको उनको भनाइ छ । यमन पुग्ने वस्तुहरूमा शत्रुको नियन्त्रण कायम हुन नहुने उनले बताए । 

देशभित्रै कृषि र पशुपालनमा जोड दिनुपर्ने र यसका लागि विभिन्न काम गर्नु आवश्यक रहेको अल–हूती बताउँछन् ।