‘आईएमई पे’ले प्रयोगकर्तामाझ ‘रिफर एन्ड अर्न’ अफर ल्याएको छ । 

यस अफरअन्तर्गत आईएमई पे एपका प्रयोगकर्ताहरूले आफ्नो एपमा रहेको ‘रिफर कोड’ आफ्नो साथीभाइमाझ शेयर गर्नुपर्छ । 

प्रापकले सो कोड स्वीकारेर आईएमई पे एप डाउनलोड गरी केवाईसी रुजु भएर प्रयोग गरे पश्चात् दुवै जनाले २५ आफ्नो आइएमई पे वालेटमा पाउने कम्पनीले जनाएको छ । 

‘प्रयोगकर्ताहरुले एउटा रिफर कोड धेरै पटक प्रयोग गर्न मिल्छ । प्रयोगकर्ताहरूले आफ्नो आईएमई पे एपको ‘रिफर फ्रेन्ड’ भागबाट वा यो लिंक बाट रिफर कोड प्राप्त गर्न सक्नुहुन्छ,’ विज्ञप्तिमा भनिएको छ । 

आईएमई पेले यस अफर ल्याउनको मुख्य उद्देश्य आफ्नो सम्भावित ग्राहकलाई आईएमई पे एप डाउनलोड गरी डिजिटल भुक्तानी माध्यममा परिणत हुन प्रोत्साहन दिने बताएको छ । यस अफरले अवस्थित सेवाग्राहीहरू पनि यस एप निरन्तर रुपमा प्रयोग गर्न सानो प्रोत्साहन दिने आईएमई पेले विश्वास व्यक्त गरेको छ । 

झन्डै ३५ हजार एजेण्ट आउटलेट सञ्जाल भएको ‘आईएमई पे’ आईएमई ग्रुपअन्तर्गतको डिजिटल वित्तीय सेवा प्रदायक उत्पादन हो ।