आगामी तीन दिनसम्म मौसममा बदली रहिरहने मौसम विभागले जनाएको छ ।

विभागले बिहीवार बिहान सार्वजनिक गरेको मौसम बुलेटिन अनुसार, बिहीवार, शुक्रवार र शनिवार नै मुलुकमा बदली सहित केही स्थानमा हल्कादेखि मध्यम वर्षा हुने उल्लेख गरिएको छ ।

विभागका अनुसार अहिले नेपालमा स्थानीय वायु र भारतको  उत्तर प्रदेश, विहार आसपास रहेको न्यून चापीय रेखाको प्रभाव रहेको छ । 

जसका कारण मौसममा बदली आइरहेको विभागले जनाएको छ । 

बिहीवार बिहान प्रदेश १, मधेश प्रदेशमा आंशिक देखि सामान्य बदली भई मेघगर्जन चट्टयाङ सहित हल्कादेखि मध्यम वर्षा भइरहेको विभागले जनाएको छ । 

देशको बाँकी प्रदेशमा आंशिक बदली देखि मौसम सामान्यतया सफा रहेको विभागको भनाइ छ।

शुक्रवार  प्रदेश १ लगायत देशका पहाडी भूभागमा आंशिक देखि  सामान्य बदली  रही बाँकी भूभागमा आंशिक बदली देखि मौसम सामान्यतया सफा रहनेछ । 

प्रदेश १,  बागमती प्रदेश र गण्डकी प्रदेशका थोरै स्थानहरुमा र बाँकी प्रदेशका एक वा दूई स्थानमा मेघ गर्जन र चट्याङ्ग  र  हावा  हुरी सहित हल्का देखि मध्यम वर्षाको सम्भावना रहेको विभागले जनाएको छ ।

यस्तै शनिवार प्रदेश १ लगायत देशका पहाडी भूभागमा आंशिक देखि  सामान्य बदली  रहि बाँकी भूभागमा आंशिक बदली देखि मौसम सामान्यतया सफा रहने विभागले जनाएको छ । 

प्रदेश १,  बागमती प्रदेश र गण्डकी प्रदेशका थोरै स्थानहरुमा मेघ गर्जन र चट्याङ्ग सहित हल्का देखि मध्यम वर्षाको सम्भावना रहेको विभागको भनाइ छ ।