नेपाल प्रहरीका महानिरीक्षक (आईजीपी) धीरजप्रताप सिंहले निर्मला पन्त हत्या घटनाको अनुसन्धान आफ्नो पहिलो प्राथमिकता भएका बताएका छन् ।

आईजीपीमा नियुक्त भएको १ महिना पुगेपछि पहिलो पटक बिहीवार पत्रकार सम्मेलन गरी सिंहले निर्मला हत्याको अनुसन्धान जारी रहेको बताएका हुन् ।

तत्कालीन आईजीपीले ल्याएका राम्रा कार्यलाई प्रभावकारीका साथ अघि बढाउने प्रतिबद्धता उनले जनाएका छन् ।

वरियताक्रमकै आधारमा बढुवा गर्ने भन्दै उनले तलबाट टपक्क टिपेर कसैलाई बढुवा नगर्ने बताए । ‘तलबाट टपक्क टिपेर कसलाई पनि बढुवा गरिँदैन । वरियताक्रमकै आधारमा बढुवा गरिन्छ,’ उनले पत्रकारसँगको कुराकानीका क्रममा भने ।

आईजीपी सिंहले वैशाख ३० गते सम्पन्न स्थानीय तहको निर्वाचन सफल भएको समेत दाबी गरेका छन् ।