काठमाडौं महानगरपालिकाका मेयर बालेन शाहले सार्वर्जनिक शौचालय दिए वापत रेष्टुरेण्टलाई जस्तो बैंक र अन्य सस्थालाई कर छुट दिन नसकिने बताएका छन् ।

उनले महानगरले बनाउने स्मार्ट सार्वजनिक शौचालय निर्माणको काम भने नरोकिने बताए ।

काठमाडौं महानगरको दोस्रो कार्यपालिका बैठकलाई सम्वोधन गर्दै मेयर शाहले अन्य व्यापारिक संस्थानलाई सरसफाइ सामाग्री दिन सकिने बताएका हुन् । 

‘रेष्टुरेण्ट जस्तो बैंक तथा वित्तीय संस्था र अन्य संस्थालाई कर छुट दिन सकिदैन, बैंकहरूको कर धेरै हुन्छ । बरु सरसफाइ सामाग्री दिने हो,’ मेयर शाहले भने, ‘काठमाडौंमा १० वटा स्मार्ट सार्वजनिक शौचालय बनाउने काम शुरू हुन्छ, यो टेण्डर प्रोसेसबाटै अघि बढ्छ ।’ 

काठमाडौं महानगरको प्रस्ताव पछि रेष्टुराँ लगायत विभिन्न व्यावसायीक संस्थाले आफ्नो प्रतिष्ठानमा सार्वजनिक शौचालय उपलव्ध गराउँदै आएका छन् ।