ईन्डियाको नम्बर १ रेफ्रिजेरेटर ब्रान्ड गोदरेजले नेपाली बजारमा मेडिकल रेफ्रिजेरेटरहरू सार्वजनिक गरेको छ।

मेडिकल रेफ्रिजेरेटर सेग्मेन्टमा गोदरेजले नेपाली बजारको मागलाई सम्बोधन गरी गुणस्तर र प्रविधिलाई ध्यानमा राखी भ्याक्सिन रेफ्रिजेरेटर, ब्लड रेफ्रिजेरेटर, ल्याब रेफ्रिजेरेटर र फ्रीजरहरू उपलब्ध गराएको छ।

कम्पनीका अनुसार गोदरेजका भ्याक्सिन रेफ्रिजेरेटरहरू स्योरचिल प्रविधिमा आधारित छन् जसले रेफ्रिजेरेटरको तापक्रमलाई २ डिग्री देखि ८ डिग्रीमा स्थिर राख्छ। 

डब्लुएचओ पिक्युएस प्री क्वालिफाइड यी रेफ्रिजेरेटरहरूको होल्डओभर टाईम ३ देखि ४ दिनसम्मका छन् भने ४७ देखि २७६ लिटरसम्मको क्षमतामा उपलब्ध  छन् । यी रेफ्रिजेरेटरहरू फ्रीज प्रोटेक्सनमा डब्लुएचओबाट ए ग्रेडमा मूल्याङ्कन गरिएको छ।

यी रेफ्रिजेरेटरहरू सिएफसी, एचएफसी र एचसिएफसि मुक्त भएकाले पूर्णतया वातावरण मैत्रीका हुनुका साथसाथै खिया प्रतिरोधी पनि छन् । यी रेफ्रिजेरेटरहरूको ढोका अगाडि बाट खुल्छ जसले स्टक व्यवस्थापनको लागि पनि सजिलो बनाउने कम्पनीले जनाएको छ। यी रेफ्रिजेरेटरहरूमा २ वर्षको वारेन्टी रहेको छ। 

ब्लड ब्याग, आरबीसी, ब्लड श्यामपल आदी राख्न योग्य गोदरेजका ब्लड रेफ्रिजेरेटरहरू हर्मिटिकल्ली सिल्ड कूलिङ टेक्नोलोजीमा आधारित छन् जसले रेफ्रिजेरेटरको तापक्रमलाई २ डिग्री देखि ६  डिग्रीमा स्थिर राख्छ। 

आइएसओ र सिइ सर्टिफाइद यी रेफ्रिजेरेटरहरू १००५ सिएफसी मुक्त भएकाले पूर्णतया वातावरण मैत्रीका हुनुका साथसाथै खिया प्रतिरोधी पनि छन् । यी रेफ्रिजेरेटरहरूमा पूर्व चेतावनी र ऊर्जा व्यवस्थापनको लागि डिजिटल डिस्प्ले सँगै एन्टेलीजेन्ट इलेक्ट्रोनिक तापमान नियन्त्रण रहेको छ।

यी रेफ्रिजेरेटरहरू ११७ देखि ३२० ब्लड ब्याग सम्मको क्षमतामा उपलब्ध छन् । यी रेफ्रिजेरेटरहरूको ढोका पारदर्शी छन् जसले उच्च भिजिबिलिटी दिन्छ। यी रेफ्रिजेरेटरहरूमा २ बर्षको वारेन्टी रहेको कम्पनीले जनाएको छ।   

बिभिन्न सल्भेन्ट, केमीकल्स, रिएजेन्ट किट्स, भ्याक्सिन, औषधिहरू आदी राख्न योग्य गोदरेजका ल्याब रेफ्रिजेरेटरहरू हर्मिटिकल्ली सिल्ड कूलिङ टेक्नोलोजीमा आधारित छन् जसले रेफ्रिजेरेटरको तापक्रमलाई २ डिग्रीदेखि ८ डिग्रीमा स्थिर राख्छ। 

आइएसओ र सिइ सर्टिफाइड यी रेफ्रिजेरेटरहरू १००५ सिएफसी मुक्त भएकाले पूर्णतया वातावरण मैत्रीका हुनुका साथसाथै खिया प्रतिरोधी पनि रहेको कम्पनीले जनाएको छ । 

यी रेफ्रिजेरेटरहरूमा पूर्व चेतावनी र ऊर्जा व्यवस्थापनको लागि डिजिटल डिस्प्लेसँगै एन्टेलीजेन्ट इलेक्ट्रोनिक तापमान नियन्त्रण रहेको छ। यी रेफ्रिजेरेटरहरू २०० देखि ४०० लिटरसम्मको क्षमतामा उपलब्ध छन् । यी रेफ्रिजेरेटरहरूको ढोका यी पारदर्शी छन्  जसले उच्च भिजिबिलिटी दिन्छ। यी रेफ्रिजेरेटरहरूमा २ बर्षको वारेन्टी रहेको छ।

नेपालको बिजुली सेवा अनिश्चित हुनु र बजारमा पाइने सामान्य रेफ्रिजेरेटरहरूले आफुले चाहेको तापक्रम निरन्तर दिन नसक्ने र बाह्य डिजिटल डिस्प्ले थर्मोमिटर नहुने कारण गोदरेजका मेडिकल रेफ्रिजेरेटरहरू औषधी पसल, फार्मेसी, ल्याब, हस्पिटलहरूमा एकदम उपयोगी छन् जसले  आफुले चाहेको तापक्रम कायम राख्नुका साथै प्रत्येक मिनेट को १२० दिन सम्मको तापक्रमको लगर रेकर्ड पनि राख्ने कम्पनीले जनाएको छ ।