पूर्वप्रधानमन्त्री एवं नेकपा एमालेका अध्यक्ष केपी शर्मा ओलीले छिमेक सम्बन्धमा एककाविरुद्ध अर्कोको कार्ड खेले नेपाल फस्ने बताएका छन् । राष्ट्रिय हितलाई ध्यानमा राखेर न्यायोचित राष्ट्रिय हितको कुरा गनुपर्ने उनले बताए । 

पूर्वराजदूतहरूसँगको अन्तक्र्रियामा ओलीले न्यायोचित हितको सम्बन्ध गर्ने गरी छिमेकीसँग सम्बन्ध राख्नुपर्ने बताएका हुन् । 

‘हाम्रा छिमेकीसँग भरपर्दो र विश्वसनीय नीति र व्यवहार गर्नुपर्छ । हामी कार्ड खेल्न सक्दैनौँ, छिमेक सम्बन्धको प्रसंगमा कुनै कार्ड खेल्न सक्दैनौँ, हामीले खेल्नु पनि हुँदैन,’ ओलीले भने, ‘कुनै छिमेकीका विरुद्ध कसैसँग भित्री साठगाँठ गर्ने तथा योजना बनाउने र बाहिर अर्को कुरा गरेमा हामी फस्छौँ ।’

पूर्वप्रधानमन्त्री ओलीले छिमेक सम्बन्ध सुमधुर र सुदृढ राख्नुपर्ने बताए । ‘पृथ्वीनारायण शाहले फरक प्रसंगले भने पनि नेपाल विशाल दुई ढुंगाका बीच तरुल जस्तै हो । त्यो बेला संयुक्त राष्ट्र संघ थिएन । भूगोल उस्तै हो, हामी त्यस्तै छौँ,’ औलीले भने ।