जगदम्बा मोटर्सले टिभीएस अपाचे आरटीआर ४भी आरटीएफआई तथा बिएस–भीआईको नयाँ मोडल नेपाली बजारमा सार्वजनिक गर्ने अन्तिम तयारी गरेको छ ।

कम्‍पनीले नयाँ टिभीएस अपाचे आरटीआर ४भी आरटीएफआई वीथ बिएस–भीआई बिहीवार सार्वजनिक गर्न लागेको हो । 

काठमाडौँको पर्पल हेज रक बारमा चर्चित नेपाली ब्यान्ड कबवेब तथा नेपालको विभिन्न मोटो भ्लोगर्सको साथै जगदम्बा मोटर्सको प्रतिनिधिहरूको  उपस्थितिमा कम्पनीले सो मोटरसाइकल सार्वजनिक गर्नेछ ।  

यस मोटरसाइकलको बिएस–भीआईमोडलमा यस वर्गमै पहिलो र सबैभन्दा उत्कृष्ट ३ राइड मोड्स (रेन, अर्बान र स्पोर्ट मोड) रहेका छन् ।

जसलाई चालकले सहजता र परिस्थितिको आधारमा मोटरसाइकल कुदाउँदा परिवर्तन गर्न सक्ने कम्पनीले बताएको छ । यस फिचर्सले चालकको राइडिङ् अनुभवलाई थप सहज र सुरक्षित बनाउने छ ।

यसैगरी यस मोटरसाइकलको अर्को सशक्त पक्ष भनेको रेस ट्युन्ड फ्युल इन्जेक्सन (आरटीएफआई)  टेक्नोलोजी युक्त बिएस–भीआई कम्प्लिएन्ट इन्जिन रहेको छ। 

अटोमोबाइल जगतमा आरटीएफआई टेक्नोलोजिलाई निकै नै उत्कृष्ट मानिन्छ। 

यस मोटरसाइकलमा स्मार्ट कनेक्ट फिचर रहेको छ जसको सहायताले मोटरसाइकलमा ब्लुतुथ कनेक्ट प्रणालीमार्फत रेस टेलिमेट्री, टर्न बाई टर्न नेभिगेसन, मल्टिपल स्पट प्लटिंग,लीन एङ्गल मोड, साथै कल र एसएमएस एलर्ट जस्ता आधुनिक सेवा जडान गरिएका हुन्छन् जसले बाटोमा यात्रा गर्दा अरु सामान्य मोटरसाइकल भन्दा अतिरिक्त फाइदा दिने कम्पनीले जनाएको छ।