भारतको महाराष्ट्रका मुख्यमन्त्री उद्धव ठाकरे राजनीतिक संकटमा परेका छन् ।

पार्टीकै सांसदहरू विपक्षमा उभिएपछि मुख्यमन्त्री ठाकरे अल्पमतमा परेका छन् ।

भारतीय सञ्चारमाध्यमका अनुसार ठाकरेको पार्टीका सांसदहरू विपक्षी भारतीय जनता पार्टी (भाजपा) को सम्पर्कमा पुगेका छन् ।

आफू संकटमा परेको स्पष्ट देखेपछि मुख्यमन्त्री ठाकरेले सरकारी आवास छाडेर मातोश्रीस्थित घरमा बस्न थालेका छन् ।

मुख्यमन्त्री ठाकरेले गद्दारी गर्न छाडेर छलफल गरेमा आफू पद छाड्न तयार रहेको संकेत गरेका छन् । तर पार्टीकै सांसदहरू भाजपाको सम्पर्कमा पुगेका छन् । 

मुख्यमन्त्री ठाकरेको पार्टीबाट एकनाथ शिन्देको नेतृत्वमा ३७ सांसदले विद्रोह गरेका जनाइएको छ । ठाकरेको कुर्सी संकटमा परेपछि अनेक राजनीतिक अड्कलबाजी भइरहेका छन् ।