बाँकेको जमुनाहा नाकाबाट शुक्रवार भारतीय कन्टेनर नियन्त्रणमा लिइएको छ । 

नेपालबाट भारत जाँदै गरेको सो कन्टेनरमा अवैध सामान हुन सक्ने भन्दै प्रहरीले नियन्त्रणमा लिएको हो । 

‘बिहान १० बजे भारततर्फ जाँदै गरेको कन्टेनर शंका लागेर जाँच गर्दा चालक भागेका छन्,’ बाँके प्रहरी प्रवक्ता डीएसपी मधुसुदन न्यौपानेले भने, ‘२५० बोरा तोरीको गेडाजस्तो सेतोसेतो पदार्थ फेला परेका छन्, जाँचका लागि भन्सार कार्यालय पठाउने तयारी भइरहेको छ ।’

चालक भागेपछि प्रहरीले कन्टेनरको ताला फोडेर जाँच गरेको थियो । जाँचका क्रममा २५० बोरा शंकास्पद वस्तु फेला पारेको प्रहरीले जनाएको छ । प्रहरीका अनुसार यस विषयमा थप अनुसन्धान भइरहेको छ ।