ईलाका प्रहरी कार्यालय कृष्णनगरले अवैध १ हजार ८०० ब्रोइलर कुखुराको चल्ला नष्ट गरेको छ ।

जिल्लाको कृष्णनगर नगरपालिका–१ मडहास्थित नेपाल–भारत सीमावर्ती क्षेत्रमा बिहीवार राति भारतबाट नेपालतर्फ अवैध रूपमा ल्याउँदै गरेको अवस्थामा कुखुराको चल्ला बरामद गरिएको प्रहरीले जनाएको छ । 

कृष्णनगर ईलाका प्रहरी कार्यालयका प्रहरी निरीक्षक शैलेन्द्र पाण्डेको कमान्डमा खटिएको प्रहरी टोलीले अवैध कुखुराको चल्ला बरामद गरेको जनाइएको छ ।

प्रहरीका अनुसार ब्रोइलर कुखुराको चल्लाको मूल्य १ लाख ८० हजार बराबर रहेको जनाएको छ । बरामद गरिएको अवैध कुखुराको चल्लालाई पशु क्वारेन्टाइन कृष्णनगरका प्रतिनिधि, प्रहरी, सञ्चारकर्मी, स्थानीय लगायतको रोहबरमा नष्ट गरिएको कृष्णनगर प्रहरीले जनाएको छ ।