भारतको राजधानी दिल्लीमा कोरोना भाइरस संक्रमण दर रफ्तारमा बढेको छ ।

पछिल्लो २४ घण्टामा दिल्लीमा कोरोनाका थप १ हजार ७९७ संक्रमित फेला परेका भारतीय सञ्चारमाध्यमले जनाएका छन् । संक्रमण दर बढेर ८.१८ प्रतिशत पुगेको छ ।

बिहीवार दिल्लीमा कोरोनाका १ हजार ३२३ संक्रमित फेला परेका थिए । भोलिपल्ट संक्रमित बढेर १ हजार ७९७ पुगेका छन् । 

दिल्लीमा कोरोनाका सक्रिय संक्रमितको संख्या ४ हजार ८४३ रहेको छ । दिल्लीमा केही दिनयता संक्रमितको संख्या तीव्र गतिमा बढिरहेको छ ।

संक्रमितको संख्या बढे पनि अस्पतालमा भर्ना नै हुनुपर्ने संक्रमित धेरै देखिएका छैनन् । संक्रमण बढ्नु सरकारका लागि चिन्ताको विषय रहेको समाचारमा उल्लेख छ ।

चिकित्सकका अनुसार सक्रमित बढे पनि बिरामीमा गम्भीर लक्षण देखिएका छैनन् । त्यसैले सर्वसाधारणले चिन्ता गर्नुपर्ने र डराउनुपर्ने अवस्था नरहेको चिकित्सकहरूले सुझाव दिएका छन् ।