अचेल व्यस्त जीवनमा मानिसलाई आफ्नो स्वास्थ्यको हेरचाह गर्ने फुर्सद छैन । त्यसैले उनीहरू जंक फूडमा झुम्मिन्छन् । यस्ता फास्टफूड शरीरका लागि पटक्कै लाभदायक हुँदैनन् ।

यस्ता कुराको सेवनले छिट्टो बूढो भइन्छ । बूढो भएपछि दाँत र शरीर कमजोर हुन्छ, गालाभित्र घुस्छ अनि चाउरी पर्छ । अचेल युवाहरूमा पनि यी सब लक्षण देखिन्छन् । यहाँ हामी केही यस्ता कारण बताउँदैछौं जसकारण समयअगावै बुढ्यौली आइलाग्छ । त्यसबाट जोगिनुपर्छ । 

शारीरिक निष्क्रियता

​अचेल मानिस शारीरिक मेहनत कम गर्छन् । पसिना बगाउनै चाहँदैनन् । यसकारण शरीरका कोशिकाहरूमा अवाञ्छित परिवर्तन आउँछ ।

धेरै पानी पिउँदा

धेरै पानी पिउँदा स्वस्थ भइन्छ भन्ने मानिसहरू ठान्छन् । तर धेरै पानी पिउँदा मिर्गौलामा दबाब पर्छ र उनीहरूले धेरै काम गर्नुपर्छ । पछि गएर उनीहरूको काम गर्ने क्षमता नै गुम्दै जान्छ ।

राति उठ्ने

मानिस राति उठ्छन् अनि दिउँसो सुत्छन् । राति ढिलोसम्म मोबाइल खेलाएर बस्ने मान्छेहरू छिटो बिरामी हुन्छन् । प्रकृतिले नै हाम्रो शरीरलाई छिटो सुत्न र छिटो उठ्न लगाउँछ ।

प्रकृतिको नियमलाई उल्लंघन गर्दा छिटो बूढो भइन्छ । राति ढिलोसम्म सुत्ने मानिसको आँखामुनि कालो घेरा देखिन्छ । यसले गर्दा दिमाग पनि थाकेको जस्तो हुन्छ ।

मसलायुक्त खानेकुरा

धेरै मसला हालेको खानेकुरा पचाउनका लागि शरीरले धेरै मेहनत गर्नुपर्छ । धेरै मानिस खानेकुरालाई ठीक तरिकाले चबाउँदैनन् । त्यसले गर्दा उनीहरूको आन्द्रामा अतिरिक्त भार पर्छ । शरीरको ऊर्जा धेरै खर्च भएर छिटै बुढ्यौली आउँछ ।

पिसाब वा दिसामा अनियमितता

केही मानिसहरू पिसाब वा दिसा रोकिबस्छन् । यसो गर्दा मिर्गौला र आन्द्रामा दबाब पर्छ । यो बानी पछि गएर गम्भीर रोगमा परिणत हुन्छ ।

डिप्रेसन, धेरै नुनको सेवन र नशाका कारण पनि छिट्टै बुढ्यौली आउँछ । -एजेन्सी