नेपाल वायुसेवा निगम (नेवानि) का कार्यकारी अध्यक्ष युवराज अधिकारीलाई नियमित काम गर्न दिन सर्वोच्च अदालतले अल्पकालीन अन्तरिम आदेश दिएको छ ।

सर्वोच्च अदालतका न्यायाधीश तिलप्रसाद श्रेष्ठको एकल इजलासले आगामी असार २८ गते अर्को पेशी राख्दै त्यतिञ्जेलसम्म अधिकारीलाई काम गर्न दिने गरी अल्पकालीन अन्तरिम आदेश जारी गरेको हो ।

अधिकारीलाई निवर्तमान पर्यटनमन्त्री प्रेमबहादुर आलेसँगको विवादका कारण सरकारले निलम्बन गरेको थियो । सरकारको निलम्बनको निर्णयविरुद्ध अधिकारी अदालत गएका थिए ।

सरकारले अधिकारीलाई असार ६ गते निलम्बन गरेको थियो । कार्यकारी अध्यक्षको जिम्मेवारीमा रहेका अधिकारीलाई हटाएर निगमका वरिष्ठ क्याप्टेन दीपुराज ज्वारचनलाई असार ९ गतेदेखि अस्थायी महाप्रबन्धक बनाएको छ ।