उपसभामुख चयनका लागि निर्वाचन कार्यक्रम शुरू, एमालेले अझैंसम्म टुंग्याउन सकेन उम्मेदवार

प्रतिनिधिसभाको रिक्त उपसभामुख चयनका लागि बिहीवारदेखि निर्वाचन कार्यक्रम शुरू भएको छ । संघीय संसद सचिवालयले शुक्रवार मतदान गर्ने गरी बुधवार निर्वाचन कार्यतालिका सार्वजनिक गरेको थियो । 

उक्त कार्यतालिका अनुसार बिहीवार बिहान ११ बजेदेखि दिउँसो १ बजेसम्म मनोनयनको तोकिएको छ । तर, बिहान साढे ११ सम्म कुनै पनि दलले मनोनयन दर्ता गराएका छैनन् । बानेश्वरस्थित संसद भवनको ल्होत्से हलमा मनोनयन स्थल तोकिएको छ । 

मनोनयन दर्ता गर्नका लागि निर्वाचन अधिकारीहरू निर्धारित समयदेखि नै दलहरूलाई कुरेर बसेका छन् । तर, यो समाचार तयार पार्दासम्म उनीहरू मनोनयनका लागि पुगेका छैनन् । 

सत्तारुढ दल नेपाली कांग्रेसले पुष्पा भुसाललाई उपसभामुख पदको उम्मेदवार बनाउने निर्णय गरे पनि प्रमुख प्रतिपक्षी दल नेकपा एमालेले उम्मेदवारको टुंगो लगाउन सकेको छैन ।