×

NMB BANK
NIC ASIA

एम अधिकारी प्रकरण

एमालेले नक्कली एम अधिकारी बनाउन खोजेपछि मनोजलाई तनाव, फोनै अफ गरेर सम्पर्कविहीन !

असार ३०, २०७९

NTC
Sarbottam
Premier Steels
Marvel

नेकपा एमालेले अर्थ तथा योजना विभाग सदस्य ‘एम अधिकारी’ भनेर सार्वजनिक गर्न खोजेका एक पात्र फोन नै नलाग्ने बनाएर सम्पर्कविहीन भएका छन् ।

Sagarmatha Cement
Muktinath Bank

एम अधिकारी नाम गरेको व्यक्ति राष्ट्र बैंकका गर्भनर महाप्रसाद अधिकारी नै भएको भन्दै विभिन्न प्रमाणहरू सार्वजनिक भएपछि एमाले नयाँ एम अधिकारीको खोजीमा लागेको थियो ।


Advertisment
RMC TANSEN
IME BANK INNEWS
shivam ISLAND

यसबीचमा बिहीवार केही नेताले मिडियामा सूचना चुहाए– एम अधिकारी भनेको सीए मनोज अधिकारी हुन्, विराटनगरतिर बस्छन् ।


Advertisment
Nabil box
Kumari

यो समाचार आउनेबित्तिकै मनोजको फोनमा तारन्तर घण्टी बज्न थाल्यो । मनोजलाई सुवेदी थरका एक व्यक्तिले एमाले पार्टीको तर्फबाट आएको आग्रहअनुसार ‘एम अधिकारी’ बनिदिन मनाएका थिए ।

Vianet communication
Laxmi Bank

स्रोतका अनुसार ‘गभर्नरसापलाई साह्रै अप्ठ्यारो पार्ने भए । केही समयलाई तपाईं एम अधिकारी बनिदिनुपर्‍यो, त्यसबापत पछि पार्टीले हेर्छ,’ भनेर सुवेदीले आग्रह गरेपछि शुरूमा मनोज तयार पनि भएका रहेछन् ।

मनोज विराटनगरमा सीए फर्म चलाउँछन् । भारतमा रहेको सुशीललाल एन्ड एसोसिएटसँगको पार्टनरसीपमा उनले हालसालै फर्म सञ्चालनमा ल्याएका हुन् ।

वि.सं. २०४४ मंसिर ६ गते जन्मिएका मनोजको ठेगाना विराटनगर– ५ भनेर नागरिकतामा उल्लेख गरिएको छ ।

हेर्नुहोस्, नागरिकताको कपि :

व्यक्तिगत गोपनीयताको सम्मान गर्दै नागरिकता नम्बर र औंठाछापसहितका गोप्य विवरण ब्लर गरिएको छ ।

‘इन्स्टिच्युट अफ चार्टर्ड अकाउन्टेन्ट्स अफ इन्डिया’बाट सन् २०१४ मा सीए परीक्षा उत्तीर्ण गरेका मनोज यसअघि काठमाडौंमा केन्द्रीय कार्यालय रहेको सुबोध एसोसिएटसँग जोडिएर विराटनगरमै काम गर्थे । 

हेर्नुहोस्, उनले सीए पास गरेको सर्टिफिकेट :

उमेरले ३५ वर्षमात्र टेक्न लागेका मनोजलाई एमालेले डाक्टर र प्राध्यापक डाक्टरहरूभन्दा अगाडिको वरीयतामा राखेका एम अधिकारी बनिदिन जसोतसो मनाएको थियो ।

तर उनका चिनजानका साथीभाइ, आफन्त र शुभचिन्तकहरूले ‘फस्लास् है भाइ, यो त जेल जाने केश हुन्छ’ भनेपछि उनी फोन सम्पर्क नहुने बनाएर बसेको स्रोतको दाबी छ ।

यो समाचार तयार पार्दासम्म उनको फोनमा सम्पर्क हुन सकेको छैन ।

नेकपा एमालेको अर्थ तथा योजना विभागको सदस्य रहेका एम अधिकारी राष्ट्र बैंकका गभर्नर महाप्रसाद अधिकारी नै रहेको भन्दै सामाजिक सञ्जालदेखि सदनसम्म तीव्र आलोचना भइरहेको छ ।

कुनै पनि पार्टीको सदस्य रहेको व्यक्ति राष्ट्र बैंकको गभर्नर बन्न अयोग्य हुने कानूनी व्यवस्था छ ।

तर, त्यसविपरीत गभर्नर अधिकारी एमालेको केन्द्रीय विभागको सदस्य बनेको भन्दै सडकदेखि सदनसम्म उनको राजीनामा मागिएको छ ।

एमालेले यही असार २६ गते जारी गरेको ‘अन्तरपार्टी निर्देशन’मा ‘अर्थ तथा योजना विभाग’को सदस्यका रूपमा एम अधिकारीको नाम समावेश छ । एम अधिकारीको ठेगाना खोटाङ उल्लेख गरिएको छ ।

तर, नक्कली एम अधिकारी बनाउन खोजिएका व्यक्ति खोटाङका भने होइनन् ।

खोटाङमा अर्थ विभागको सदस्य बनाउन योग्य अर्को कुनै एम अधिकारी नभेटिएपछि खोटाङबाट मोरङ झरेको भन्ने आशयमा मनोजलाई एम अधिकारी बनाउन प्रयास गरिएको स्रोतको दाबी छ ।

मनोजलाई शुरूमा एम अधिकारी बनिदिन मनाउने व्यक्ति पनि अडिट पेशासँग नै सम्बन्धित हुन् । उनी एमालेसँग निकट रहेर काम गर्छन् ।

त्यसो त एमालेले २०७३ जेठ २१ मा विभाग गठनपछि जारी गरेको प्रेस वक्तव्यमा अर्थ तथा योजना विभागमा महाप्रसाद अधिकारी नै सदस्य थिए ।

उनको ठेगाना पनि खोटाङ भनेर नै उल्लेख गरिएको थियो ।

त्यतिबेलै उनले आफू सदस्य नरहेको भनेर पार्टीलाई जानकारी गराएको तथा पार्टीले समेत सोही बेहोराको पत्र पठाएको भनी अहिले पत्रहरू पनि सार्वजनिक गरिएको छ । तर, एमालेको अर्थ विभागका एक सदस्यले महाप्रसाद अधिकारी बैठकमा समेत आउने गरेको भनेर स्वीकारेको 'अडियो क्लिप' सामाजिक सञ्जालमा भाइरल भइरहेको छ ।

यता सदनमा पनि सत्तापक्षीय सांसदहरूले एम अधिकारी को हो भनेर प्रश्न गरिरहेका छन् । नेकपा माओवादी केन्द्रका प्रभावशाली सांसद नारायणकाजी श्रेष्ठ प्रकाशले बिहीवार राष्ट्रिय सभा बैठकमा एम अधिकारी र गभर्नर महाप्रसाद अधिकारी एउटै व्यक्ति भएको आशंका गरिएको भन्दै यदि त्यसो होइन भने चित्तबुझ्दो प्रमाण सार्वजनिक गर्न चुनौती दिएका छन् ।

बुधवार प्रतिनिधिसभा बैठकमा कांग्रेस महामन्त्री गगन थापाले पनि गभर्नरलाई एम अधिकारीसँग जोडेर कटाक्ष गरेका थिए ।

मौद्रिक नीतिसम्बन्धी केही सरोकार राख्दै गगनले मैले गभर्नर महाप्रसाद अधिकारीलाई भनेको हुँ, एमालेको अर्थ विभागको सदस्य एम अधिकारीलाई हैन भन्ने आशयसहित कटाक्ष गरेका थिए ।

चौतर्फी रूपमा एम अधिकारी को हो भनेर प्रश्न उठिराख्दा एमालेले चित्त बुझ्दो जवाफ भने दिन सकेको छैन ।​

hAMROPATRO BELOW NEWS
TATA Below
कात्तिक १८, २०८०

गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ ।  ...

कात्तिक २०, २०८०

शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए ।​​ सोमवार अपरान्ह उनको शव लिएर मलामी...

माघ १८, २०८०

​सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...

कात्तिक २०, २०८०

‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...

कात्तिक १८, २०८०

जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो ।  जिल्ला प्रहरी कार्यालय जाजरकोटका ...

कात्तिक २१, २०८०

गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ ।  बाँचेकाहरू शोक र पीडामा छन् ।  ...

ज्ञान र विज्ञानको भण्डार

ज्ञान र विज्ञानको भण्डार

बैशाख १, २०८१

एक दिन काम विशेषले नयाँ सडकतिर गएको थिएँ, मोबाइल टिङटिङ गर्‍यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...

अब चेत आफैंभित्र उमार्नु छ, २०८१ ले सम्पूर्ण मनोक्रान्तिको आमन्त्रण गरोस्

अब चेत आफैंभित्र उमार्नु छ, २०८१ ले सम्पूर्ण मनोक्रान्तिको आमन्त्रण गरोस्

बैशाख १, २०८१

आत्मिक शुद्धताका पक्षपाती दार्शनिक सुकरात चौबाटोमा उभिएर एथेन्सबासीलाई आह्वान गरिरन्थे– ‘तपाईं नीति, सत्य र आत्माको शुद्धताका लागि किन ध्यान दिनुहुन्न ?’ उनका अर्थमा त्यो जीवन बाँच्न योग्य हुँदैन...

दाम्पत्य जीवनको दाम्लो

दाम्पत्य जीवनको दाम्लो

चैत २४, २०८०

दाम्पत्य जीवनको मूलभूत आधार भनेको विवाह संस्कार हो ।  यस संस्कारले उमेर पुगेका केटाकेटीलीलाई आपसमा मिलेर जीवनरथ अघि बढाउने स्वीकृति दिएको हुन्छ । यसो त संस्कारहरू धेरै छन् । तिनमा १६ संस्कार विशेष महत्व...

x