पाल्पामा आइतवार अपराह्न भएको यात्रुबहाक बस दुर्घटनामा दुई जनाको मृत्यु भएको छ । बागलुङको बुर्तिबाङबाट बुटवलका लागि छुटेको लु १ ख ५९५२ नम्बरको बस रिब्दीकोट गाउँपालिका वडा नम्बर २ लघुवामा दुर्घटना भएको हो । 

जिल्ला प्रहरी कार्यालय पाल्पाका प्रवक्ता प्रहरी नायव उपरीक्षक वीरेन्द्र थापाले दुई जनाको मृत्यु भएको पुष्टि गरेका छन् । १२ जनालाई उद्दार गरी मिसन अस्पताल पाल्पामा पठाएको उनले बताए । बसमा २२ जना सवार रहेको बताइएको छ । अहिले उद्दार भइरहेको छ । दुर्घटनाबारे पूर्ण विवरण भने आउन बाँकी छ ।