बैकिङ कसूरमा फरार रहेका १ जनालाई केन्द्रीय अनुसन्धान ब्यूरो (सीआईबी) ले पक्राउ गरेको छ । 

उच्च अदालत पाटनले १५ लाख १९ हजार ७५० रुपैयाँको चेक अनादरको अभियोग पुष्टि भएर फरार रहेका चन्द्रागिरी नगरपालिका–१ का श्यामबहादुर दर्जी भन्ने श्यामबहादुर थापालाई पक्राउ गरेको सीआईबीका प्रवक्ता एसपी श्यामकुमार महतोले जानकारी दिए ।

प्रहरीले उनलाई चन्द्रागिरी बलम्बुबाट बुधवार पक्राउ गरेको हो । उनलाई फैसला कार्यान्वयनका लागि जिल्ला अदालत ललितपुरमा पेश गरिएको छ ।