हनी ट्रयापिङमा संलग्न रहेको आरोपमा काठमाडौंबाट प्रहरीले एक दम्पतीलाई नियन्त्रणमा लिएको छ । आफ्नै पत्नी परिचालन गरी झुटो मुद्दा लगाएर फसाई दिने धम्की दिएर रकम असुलेको आरोपमा प्रहरीले सोलखुम्बु नेचासल्यान ३ घर भई भक्तपुरको बालकोट का २४ वर्षीय शेखर बास्तोला र उनकी पत्नी २० वर्षीया रोजिना राउतलाई नियन्त्रणमा लिएको हो । 

उनीहरूले सामाजिक सञ्जाल फेसबुकमार्फत अपरिचित पुरुषहरूसँग अश्लिल कुराकानी गर्ने र सोही आधारमा फसाइदिने धम्की दिँदै रकम माग गर्ने गरेको प्रहरी अनुसन्धानबाट खुलेको  छ । पत्नी रोजिनाले अपरिचित युवकहरूसँग अश्लिल कुराकानी गर्ने र पति शेखरले नक्कली प्रहरी निरीक्षक बनी ती पुरुषहरूलाई धम्की दिने गरेका थिए । उनीहरूलाई ब्ल्याकमेलिङ गरेका व्यक्तिसँग रकम लिन गएको बेला प्रहरीले नियन्त्रणमा लिएको थियो ।