टुर्कियेको फूटबल क्लब फेनरबाचेले युक्रेनसँग माफी नमाग्ने निर्णय लिएको क्लबका अध्यक्षले बताएका छन् । 

युक्रेनी फूटबल क्लब डाइनामो किएभका खेलाडी भिटाली बुयाल्स्कीले पहिलो गोल गरेपछि मनाएको उत्तेजक किसिमको खुशियालीमा चित्त नबुझाएर फेनरबाचेका प्रशंसकहरूले रुसका राष्ट्रपति भ्लादिमिर पुटिनको नामको नारा लगाएका थिए । 

उक्त घटनालाई युरोपेली फूटबलको नियामक संस्था यूईएफएले अनुसन्धान गरिरहेको छ । 

यूईएफएले नारामा उपयोग गरिएको भाषाको उल्लेख नगरेको भए पनि कथित व्यवहारको अनुसन्धान गर्ने बताएको छ । 

फेनरबाचे क्लबले नारा लगाइएको घटनाको निन्दा गरेको भए पनि खेललाई राजनीतिबाट पर राख्न माग गरेको छ ।