महँगीविरुद्ध प्रमुख प्रतिपक्षी दल नेकपा एमालेले आयोजना गरेको कार्यक्रम झरीले प्रभावित भएको छ । 

एमालेका विभिन्न भातृ संगठनले सोमवार काठमाडौंको वसन्तपुरबाट विरोध र्‍याली निकालेका थिए । सोमवार बिहानैदेखि परेको पानीका कारण एमालेको कार्यक्रम प्रभावित भएको हो । झरीको पर्वाह नगरी कार्यकर्ता प्रदर्शनमा उत्रिएका छन् । पानीमा भिज्दै एमाले कार्यकर्ताले सरकारविरुद्ध नाराबाजी गरेका छन । 

विरोध र्‍यालीपछि शान्ति बाटिका रत्नपार्कका विरोधसभा आयोजना गर्न लागिएको छ । सभालाई वरिष्ठ उपाध्यक्ष ईश्वर पोखरेलले सम्बोधन गर्ने कार्यक्रम छ ।