चिनियाँ कार कम्पनी बीवाईडी ‘फर्ट्युन ग्लोबल लिस्ट फर २०२२’को सूचीमा परेको छ ।

सो सूचीमा परेपछि कम्पनीले एक विज्ञप्ति जारी गर्दै खुशी व्यक्त गरेको छ ।

कम्पनीले वातावरणप्रति मजबुत प्रतिबद्धताका साथै राम्रो र दिगो भविष्यका लागि कदम चालिरहेको समेत जनाएको छ । 

सन् २०२१ मा बीवाईडीले ७ लाख ३० हजार ९३ प्यासेन्जर गाडीको बिक्री गरेको छ ।

जसमध्ये ५ लाख ९३ हजार ७४५ वटा गाडी न्यु एनर्जी प्यासेन्जर गाडी रहेको समेत कम्पनीले जनाएको छ । 

यी गाडीहरूको वाई.ओ.वाई वृद्धि २३१.६ प्रतिशत रहेको कम्पनीले जनाएको छ ।

सन् २०२२ को पहिलो ६ महिनामा बीवाईडीले ६ लाख ३८ हजार १५७ वटा न्यू एनर्जी प्यासेन्जर गाडी बिक्री गरेको जनाएको छ ।

जसको वाई.ओ.वाई. वृद्धि ३२४.८ प्रतिशत रहेको कम्पनीले जनाएको छ ।

बीवाईडीको न्यू एनर्जी गाडीले ४ सयभन्दा बढी शहरहरूमा छाप छोडिसकेको बताइएको छ । 

विभिन्न ७० देशमा बीवाईडीका गाडीहरू छन् ।